ಪಣಜಿ (ಐಎಎನ್ಎಸ್): ಭಾರತದ ಭಕ್ತಿ ಕುಲಕರ್ಣಿ ಕೊಲಂಬೊದಲ್ಲಿ ನಡೆದ ಏಷ್ಯನ್ ಜೂನಿಯರ್ ಚೆಸ್ ಟೂರ್ನಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ಬೆಂಟೋಟಾ ಬೀಚ್ ರೆಸಾರ್ಟ್ನಲ್ಲಿ ನಡೆದ ಈ ಟೂರ್ನಿಯಲ್ಲಿ ಆತಿಥೇಯ ಆಟಗಾರ್ತಿ ಎ.ದಿಸ್ಸಾನಾಯಕೆ ಅವರ ಸವಾಲನ್ನು ಹಿಮ್ಮೆಟ್ಟಿ ನಿಂತ ಭಕ್ತಿ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ.
20ರ ಹರೆಯದ ಭಕ್ತಿ ಗೋವಾದ ಮೊದಲ ಮಹಿಳಾ ಅಂತರರಾಷ್ಟ್ರೀಯ ಗ್ರ್ಯಾಂಡ್ಮಾಸ್ಟರ್ ಕೂಡ. ಅವರು 2006 ಹಾಗೂ 2010ರಲ್ಲಿ ಕ್ರಮವಾಗಿ 14 ವರ್ಷ ಮತ್ತು 16 ವರ್ಷದೊಳಗಿನವರ ವಿಭಾಗದಲ್ಲಿ ಏಷ್ಯನ್ ಚಾಂಪಿಯನ್ ಆಗಿದ್ದರು.
`ಈ ಪ್ರಶಸ್ತಿ ಜಯಿಸಿರುವುದು ತುಂಬಾ ಖುಷಿ ಉಂಟು ಮಾಡಿದೆ. ಆದರೆ ನಾನೀಗ ವಿಶ್ವ ಜೂನಿಯರ್ ಚಾಂಪಿಯನ್ಷಿಪ್ಗೆ ತಯಾರಿ ನಡೆಸಬೇಕು~ ಎಂದು ಭಕ್ತಿ ಹೇಳಿದ್ದಾರೆ. 2012ರಲ್ಲಿ ವಿಶ್ವ ಜೂನಿಯರ್ ಚಾಂಪಿಯನ್ಷಿಪ್ ಅಥೆನ್ಸ್ನಲ್ಲಿ ನಡೆಯಲಿದೆ.