ಕಳೆದ ವಾರ ಅಸಿನ್ ಅಭಿನಯದ `ಬೋಲ್ ಬಚ್ಚನ್~ ಚಿತ್ರ ಬಿಡುಗಡೆಯಾಯಿತು. ಅದು ಕಾಮಿಡಿ ಪ್ರಧಾನ ಚಿತ್ರ. ಅದರ ಹಿಂದೆ ಬಂದಿದ್ದ `ಹೌಸ್‌ಫುಲ್-2~, `ರೆಡಿ~ ಚಿತ್ರಗಳಲ್ಲೂ ಹಾಸ್ಯವೇ ಬಂಡವಾಳ. ಹಾಗಾಗಿ ಕಾಮಿಡಿ ಸಿನಿಮಾಗಳಿಗೆ ಮಾತ್ರ ಅಸೀನ್ ಸೀಮಿತವಾಗುತ್ತಿದ್ದಾರೆಯೇ ಎಂಬ ಪ್ರಶ್ನೆಯನ್ನು ಅವರ ಮುಂದೆ ಇಡಲಾಯಿತು. ಅದಕ್ಕೆ ಉತ್ತರಿಸಿರುವ ಅಸಿನ್, `ಒಂದರ್ಥದಲ್ಲಿ ಹೌದು. ನಾನು ಹೆಚ್ಚಾಗಿ ಕಾಮಿಡಿ ಪಾತ್ರಗಳಲ್ಲಿಯೇ ಕಾಣಿಸಿಕೊಳ್ಳುತ್ತಿದ್ದೇನೆ. ನನ್ನ ಮುಂದಿನ `ಕಿಲಾಡಿ 786~ ಚಿತ್ರ ಆಕ್ಷನ್ ಪ್ರಧಾನವಾಗಿದ್ದರೂ ಅಕ್ಷಯ್ ಕುಮಾರ್ ಇರುವುದರಿಂದ ಕಾಮಿಡಿಯೂ ಇದ್ದೇ ಇರುತ್ತದೆ. ನನಗೆ ಸಿಗುವ ಒಳ್ಳೆಯ ಅವಕಾಶಗಳ ಮೇಲೆ ಪಾತ್ರಗಳು ನಿರ್ಧಾರವಾಗುತ್ತಿವೆಯೇ ಹೊರತು ನಾನಾಗಿ ಕಾಮಿಡಿಯನ್ನು ಆರಿಸಿಕೊಳ್ಳುತ್ತಿಲ್ಲ~ ಎಂದಿದ್ದಾರೆ.
