ರಾಜ್ಯದಲ್ಲಿ ಖಾಲಿಯಿರುವ ಪಿ.ಡಿ.ಒ. ಹುದ್ದೆಗಳಿಗಾಗಿ ಕೆಪಿಎಸ್ಸಿ ನಡೆಸುವ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ `ಕಂಪ್ಯೂಟರ್ ಜ್ಞಾನ~ ಕಡ್ಡಾಯ ಮಾಡಿದ್ದು ಅದರಲ್ಲಿ ಹನ್ನೊಂದು ಅಂಕಗಳನ್ನು ಪಡೆಯಬೇಕೆಂಬ ನಿಯಮ ರೂಪಿಸಿದೆ.
ದುರದೃಷ್ಟದ ಸಂಗತಿ ಎಂದರೆ ಗ್ರಾಮೀಣ ಪ್ರದೇಶದ ಅಂಗವಿಕಲ ಅಭ್ಯರ್ಥಿಗಳಿಗೆ ಕಂಪ್ಯೂಟರ್ ಕಲಿಯುವ ಅವಕಾಶಗಳಿಲ್ಲ. ಸಮೀಪದ ಪಟ್ಟಣ ಪ್ರದೇಶಗಳಿಗೆ ಹೋಗಿ ಕಂಪ್ಯೂಟರ್ ಕಲಿಯುವುದು ಕಷ್ಟವಾಗುತ್ತದೆ.
`ಕಂಪ್ಯೂಟರ್ ವಿಷಯವನ್ನು ಆಯ್ಕೆಗೆ ಮಾನದಂಡವಾಗಿ ಪರಿಗಣಿಸುವ ಬದಲು ಆಯ್ಕೆಯಾದ ಅಂಗವಿಕಲ ಅಭ್ಯರ್ಥಿಗಳಿಗೆ ನೇಮಕಾತಿ ನಂತರ ತರಬೇತಿ ನೀಡಬಹುದು.
ಅಂಗವಿಕಲರ ಹಿತದೃಷ್ಟಿಯಿಂದ ಕಂಪ್ಯೂಟರ್ ಕಲಿಕೆ ಅಗತ್ಯ ಎಂಬ ನಿಯಮಗಳನ್ನು ಸಡಿಲಗೊಳಿಸಿ ಉಳಿದ ನಾಲ್ಕು ವಿಷಯಗಳ ಅಂಕಗಳನ್ನು ಪರಿಗಣಿಸಿ ಆಯ್ಕೆ ಮಾಡಿಕೊಳ್ಳಬೇಕು ಎಂದು ವಿನಂತಿಸುತ್ತೇನೆ.