ಪುಣೆ (ಪಿಟಿಐ): ಬೆಂಗಳೂರಿನಲ್ಲಿ ತಂದೆ- ತಾಯಂದಿರು ಮಗನಿಂದಲೇ ಹೆಚ್ಚು ಹಿಂಸೆ ಅನುಭವಿಸಿದ ಪ್ರಕರಣಗಳು ವರದಿಯಾಗಿರುವುದನ್ನು ಅಧ್ಯಯನವೊಂದು ಎತ್ತಿ ಹಿಡಿದಿದೆ.
ಇಷ್ಟೇ ಅಲ್ಲದೆ, ಈವರೆಗೆ ಸೊಸೆಗೆ ಅತ್ತೆ ಕಾಟ ಎನ್ನಲಾಗುತ್ತಿತ್ತು. ಆದರೆ ಈಚಿನ ಈ ಅಧ್ಯಯನ ಅತ್ತೆಗೇ ಸೊಸೆಯ ಕಾಟ ಎಂದು ವರದಿ ನೀಡಿದೆ.
ಹೆಲ್ಪ್ಏಜ್ ಇಂಡಿಯಾ ಸಂಸ್ಥೆ ಬಿಡುಗಡೆ ಮಾಡಿರುವ `ಭಾರತದಲ್ಲಿ ವೃದ್ಧರ ಮೇಲಿನ ದೌರ್ಜನ್ಯ ಹಾಗೂ ಅಪರಾಧ~ ವರದಿಯಲ್ಲಿ ಇದನ್ನು ಅಂಕಿ ಅಂಶಗಳ ಮೂಲಕ ವಿವರಿಸಲಾಗಿದೆ.
ಸಾಮಾಜಿಕ- ಆರ್ಥಿಕವಾಗಿ ಕೆಳಗಿರುವ ವರ್ಗದವರ ಸಮೀಕ್ಷೆ ನಡೆಸಿರುವ ಸಂಸ್ಥೆಯು, ಶೇ 63.4ರಷ್ಟು ಸೊಸೆಯರು ಅತ್ತೆ- ಮಾವಂದಿರ ಮೇಲೆ ದೌರ್ಜನ್ಯ ನಡೆಸಿದರೆ, ಮಗನಿಂದ ದೌರ್ಜನ್ಯಕ್ಕೊಳಗಾಗುವರ ತಂದೆ -ತಾಯಿಗಳ ಪ್ರಮಾಣ ಶೇ 44ರಷ್ಟು ಎಂದು ತಿಳಿಸಿದೆ. ಕಳೆದ ವರ್ಷ ಸಂಸ್ಥೆಯು ಸಾಮಾಜಿಕ- ಆರ್ಥಿಕವಾಗಿ ಮೇಲಿರುವ ವರ್ಗದವರ ಸಮೀಕ್ಷೆ ನಡೆಸಿತ್ತು.ಶೇ.53.6ರಷ್ಟು ಗಂಡು ಮಕ್ಕಳು ತಮ್ಮ ತಂದೆ- ತಾಯಿಯರನ್ನು ನಿಂದಿಸುತ್ತಾರೆ ಎಂಬುದು ತಿಳಿದು ಬಂದಿತ್ತು.