ನವದೆಹಲಿ (ಪಿಟಿಐ): ಆಸ್ತಮಾ ಕಾಯಿಲೆಗೆ ಸಂಬಂಧಿಸಿದ ಡೊಕ್ಸೊಫಿಲಿನ್ ಔಷಧದ ಬೆಲೆಯನ್ನು ಕೇಂದ್ರ ಸರ್ಕಾರ ನಿರ್ಧರಿಸಲಿದೆ ಎಂದು ಸುಪ್ರೀಂಕೋರ್ಟ್ ಗುರುವಾರ ಹೇಳಿರುವುದರಿಂದ ಔಷಧ ಕಂಪೆನಿಗಳಿಗೆ ಭಾರಿ ಹಿನ್ನಡೆ ಉಂಟಾಗಿದೆ. `ಥಿಯೊಫಿಲಿನ್ ಎಂಬ ರಾಸಾಯನಿಕ ಅಂಶದಿಂದ ತಯಾರಿಸಲಾಗುವ ಸಗಟು ಔಷಧ ಡೊಕ್ಸೊಫಿಲಿನ್ ದರ ನಿಗದಿಪಡಿಸುವ ಅಧಿಕಾರ ಕೇಂದ್ರ ಸರ್ಕಾರದ ವ್ಯಾಪ್ತಿಗೆ ಬರುತ್ತದೆ' ಎಂದು ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಗಳಾದ ಜಿ.ಎಸ್. ಸಿಂಘ್ವಿ ಮತ್ತು ಎಸ್.ಜೆ. ಮುಖ್ಯೋಪಾಧ್ಯಾಯ ತಿಳಿಸಿದ್ದಾರೆ.
