ಹೈದರಾಬಾದ್ (ಪಿಟಿಐ): ಎಂಟನೇ ದಿನವಾದ ಸೋಮವಾರವೂ ತೆಲಂಗಾಣ ವಿವಾದದ ವಿಷಯದಿಂದಾಗಿ ಆಂಧ್ರ ಪ್ರದೇಶ ವಿಧಾನಸಭೆಯನ್ನು ಕಲಾಪ ನಡೆಸದೇ ಮುಂದೂಡಲಾಯಿತು.
ಎರಡು ಬಾರಿ ಮುಂದೂಡಿದ್ದರೂ ವಿಧಾನಸಭೆಯಲ್ಲಿ ಶಿಸ್ತು ಉಂಟಾಗದ್ದರಿಂದ ಅನಿವಾರ್ಯವಾಗಿ ಉಪಸಭಾಧ್ಯಕ್ಷ ನಾದೆಂಡ್ಲ ಮನೋಹರ್ ಸಭೆಯನ್ನು ಮುಂದೂಡಿದರು.
ಈ ಪ್ರಾಂತ್ಯದ ತೆಲಗು ದೇಶಂ ಶಾಸಕರು ವಿಧಾನಸಭಾಧ್ಯಕ್ಷರ ಮುಂಭಾಗದ ಬಾವಿಗೆ ನುಗ್ಗಿ ಪ್ರತ್ಯೇಕ ತೆಲಂಗಾಣ ರಾಜ್ಯ ರಚನೆಯ ಮಸೂದೆಯನ್ನು ತಕ್ಷಣ ಮಂಡಿಸುವಂತೆ ಆಗ್ರಹಿಸಿದಾಗ ಕೋಲಾಹಲ ಉಂಟಾಯಿತು. ಕಾಂಗ್ರೆಸ್ (ತೆಲಂಗಾಣಕ್ಕೆ ಸೇರಿದ ) ಶಾಸಕರೂ ಇವರೊಂದಿಗೆ ಸೇರಿ ಘೋಷಣೆಗಳನ್ನು ಕೂಗಿದರು. ಸಿಪಿಐ ಶಾಸಕರೂ ಸಹಿತ ಇದರ ಬಗ್ಗೆ ಧ್ವನಿ ಎತ್ತಿದ್ದು ಕಲಾಪಕ್ಕೆ ಅಡ್ಡಿಯಾಯಿತು.
