ಮೈಸೂರು: ಕಡಿಮೆ ಜಾಗದಲ್ಲಿ ಶೌಚಾಲಯ ನಿರ್ಮಿಸಿಕೊಳ್ಳುವುದು ಹೇಗೆ? ಸಕಾಲ, ಮಡಿಲು ಕಿಟ್, ಸಂಪೂರ್ಣ ಸ್ವಚ್ಛತಾ ಆಂದೋಲನದ ಬಗ್ಗೆ ಮಾಹಿತಿ ಪಡೆಯುವುದು ಹೇಗೆ? ಎಂದು ಇನ್ನು ಮುಂದೆ ಚಿಂತಿಸಬೇಕಿಲ್ಲ!
ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಯೋಜನೆಗಳ ಬಗ್ಗೆ ಮಾಹಿತಿ ನೀಡಲು ಪ್ರತಿ ಗ್ರಾಮಗಳಿಗೂ `ಆರೋಗ್ಯ ಮತ್ತು ನೈರ್ಮಲ್ಯ ವಾಹಿನಿ' ಬರಲಿದೆ. ಸರ್ಕಾರಿ ಸೌಲಭ್ಯಗಳನ್ನು ಹೇಗೆ ಬಳಸಿ ಕೊಳ್ಳಬೇಕು ಎಂಬುದರ ಬಗ್ಗೆ ಕಿರುಚಿತ್ರ ಗಳ ಮೂಲಕ ಮಾಹಿತಿ ನೀಡಲಿದೆ.
ಏನಿದು ವಾಹನ?: ಜಿಲ್ಲಾ ಆರೋಗ್ಯ ಕುಟುಂಬ ಕಲ್ಯಾಣ ಇಲಾಖೆಯು ಟೆಂಪೋ ಟ್ರಾವೆಲರ್ ವಾಹನವನ್ನು ಜಿಲ್ಲಾ ಪಂಚಾಯಿತಿಗೆ ನೀಡಿದೆ.
ಈ ವಾಹನವನ್ನು ಬಳಸಿಕೊಂಡು ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಯೋಜನೆ ಗಳನ್ನು ಪ್ರತಿಯೊಬ್ಬರಿಗೂ ತಲುಪಿ ಸಲು ಜಿಲ್ಲಾ ಪಂಚಾಯಿತಿ ಮುಂದಾ ಗಿದೆ. ವರ್ಷದ 365 ದಿನವೂ ಪ್ರತಿ ದಿನ ಒಂದೊಂದು ಗ್ರಾಮಗಳಿಗೆ ತೆರಳಲಿರುವ ಈ ವಾಹನ ಶಾಲಾ ಆವರಣ, ಅಂಗನವಾಡಿ ಕೇಂದ್ರಗಳ ಬಳಿ ಗ್ರಾಮದ ಜನರಿಗೆ ಮಾಹಿತಿ ನೀಡಲಿದೆ. ಈ ವಾಹನ ಸಿದ್ಧಪಡಿಸಲು ಜಿಲ್ಲಾ ಪಂಚಾಯಿತಿ 6 ಲಕ್ಷ ರೂಪಾಯಿ ಹಣ ವ್ಯಯಿಸಿದೆ.
ವಾಹನದಲ್ಲಿ ಏನಿದೆ?: `ಆರೋಗ್ಯ, ನೈರ್ಮಲ್ಯ ವಾಹಿನಿ'ಯಲ್ಲಿ ಜನರೇ ಟರ್, ಪ್ರೊಜೆಕ್ಟರ್, ಲ್ಯಾಪ್‌ಟಾಪ್, ಸೌಂಡ್‌ಬಾಕ್ಸ್, ದೊಡ್ಡ ಸ್ಕ್ರೀನ್ ಅಳವ ಡಿಸಲಾಗಿದೆ. ವಾಹನದಲ್ಲಿ ಇಬ್ಬರು ಕುಳಿತು ಕಾರ್ಯಕ್ರಮ ಬಿತ್ತರಿಸಲು ಸ್ಥಳಾವಕಾಶ ಕಲ್ಪಿಸಲಾಗಿದೆ.
ಚಾಲನೆ: ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಕಾ.ಪು.ಸಿದ್ದವೀರಪ್ಪ `ಆರೋಗ್ಯ, ನೈರ್ಮಲ್ಯ ವಾಹಿನಿ'ಗೆ ಜಿಲ್ಲಾ ಪಂಚಾ ಯಿತಿ ಆವರಣದಲ್ಲಿ ಗುರುವಾರ ಚಾಲನೆ ನೀಡಿದರು.
ಉಪಾಧ್ಯಕ್ಷೆ ಎಂ.ಕೆ. ಸುಚಿತ್ರ, ಜಿಲ್ಲಾ ಪಂಚಾಯಿತಿ ಸಿಇಒ ಡಾ.ಅಜಯ್ ನಾಗಭೂಷಣ್, ಯೋಜನಾಧಿಕಾರಿ ವಸುಂಧರಾ ದೇವಿ ಇದ್ದರು. ಇದೇ ಸಂದರ್ಭದಲ್ಲಿ ಕಲಾವಿರು ಬೀದಿ ನಾಟಕ ಪ್ರದರ್ಶಿಸಿದರು.
