ನವದೆಹಲಿ (ಪಿಟಿಐ): ಭಾರತ ತಂಡದವರು ದಕ್ಷಿಣ ಕೊರಿಯಾದ ಹಾಚಿಯೋನ್‌ನಲ್ಲಿ ನಡೆದ 14ನೇ ಸೀನಿಯರ್ ಹಾಗೂ 17ನೇ ಜೂನಿಯರ್ ಏಷ್ಯಾ ರೋಯಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಒಂದು ಚಿನ್ನದ ಪದಕ ಸೇರಿದಂತೆ ಒಟ್ಟು 8 ಪದಕ ಜಯಿಸಿದ್ದಾರೆ.
ಲೈಟ್‌ವೇಟ್ ಡಬಲ್ ಸ್ಕಲ್ಲರ್ಸ್ ಶೋಕೇಂದರ್ ತೊಮರ್ ಹಾಗೂ ಸೋನು ಲಕ್ಷ್ಮನಾರಾಯಣ್ ಗಮನಾರ್ಹ ಪ್ರದರ್ಶನ ತೋರಿದ್ದಾರೆ. ಹಾಂಗ್‌ಕಾಂಗ್, ದಕ್ಷಿಣ ಕೊರಿಯಾ ಹಾಗೂ ಚೀನಾ ತಂಡಗಳನ್ನು ಸೋಲಿಸುವಲ್ಲಿ ಅವರು ಮಹತ್ವದ ಪಾತ್ರ ನಿಭಾಯಿಸಿದರು. ಹಾಗಾಗಿ ಭಾರತ ಒಂದು ಚಿನ್ನ, 5 ಬೆಳ್ಳಿ ಹಾಗೂ 2 ಕಂಚಿನ ಪದಕ ಗೆಲ್ಲಲು ಸಾಧ್ಯವಾಯಿತು.
