ಬೆಂಗಳೂರು: ಸಚಿನ್ ತೆಂಡೂಲ್ಕರ್ ಅವರು ಇಎಸ್ಪಿಎನ್ ಕ್ರಿಕ್ಇನ್ಫೊ ವಾರ್ಷಿಕ ಪ್ರಶಸ್ತಿಯ ಶ್ರೇಷ್ಠ ಬ್ಯಾಟ್ಸ್ಮನ್ಗಳ ಸ್ಪರ್ಧೆಯಲ್ಲಿರುವ ಅಂತಿಮ ನಾಲ್ವರು ಕ್ರಿಕೆಟಿಗರಲ್ಲಿ ಒಬ್ಬರಾಗಿದ್ದಾರೆ. ಇಂಗ್ಲೆಂಡ್ನ ಇಯಾನ್ ಬೆಲ್, ಕೆವಿನ್ ಪೀಟರ್ಸನ್ ಹಾಗೂ ದಕ್ಷಿಣ ಆಫ್ರಿಕಾದ ಜಾಕ್ ಕಾಲಿಸ್ ನಾಮಾಂಕಿತಗೊಂಡಿರುವ ಬಾಕಿ ಮೂವರು.
ಟೆಸ್ಟ್ ಕ್ರಿಕೆಟ್ನ ಬೌಲರ್ಗಳ ವಿಭಾಗದಲ್ಲಿ ದಕ್ಷಿಣ ಆಫ್ರಿಕಾದ ವೆರೊನ್ ಫಿಲ್ಯಾಂಡರ್, ಡೆಲ್ ಸ್ಟೇನ್ ಮತ್ತು ಇಂಗ್ಲೆಂಡ್ನ ಸ್ಟುವರ್ಟ್ ಬ್ರಾಡ್ ಇದ್ದಾರೆ. ಏಕದಿನ ಪಂದ್ಯಗಳ ಬೌಲಿಂಗ್ನಲ್ಲಿ ಪಾಕಿಸ್ತಾನದ ಶಾಹೀದ್ ಅಫ್ರಿದಿ, ಆಸ್ಟ್ರೇಲಿಯಾದ ಮಿಷೆಲ್ ಜಾನ್ಸನ್ ಹಾಗೂ ಇಂಗ್ಲೆಂಡ್ನ ಸ್ಟುವರ್ಟ್ ಬ್ರಾಡ್ ಅವರು ನಾಮಾಂಕಿತಗೊಂಡಿದ್ದಾರೆ. ಬ್ಯಾಟಿಂಗ್ನಲ್ಲಿ ಸ್ಪರ್ಧೆಯಲ್ಲಿ ಇರುವುದು ಐರ್ಲೆಂಡ್ನ ಕೆವಿನ್ ಓಬ್ರಿಯನ್, ಭಾರತದ ವೀರೇಂದ್ರ ಸೆಹ್ವಾಗ್, ಮಹೇಂದ್ರ ಸಿಂಗ್ ದೋನಿ ಮತ್ತು ಇಂಗ್ಲೆಂಡ್ನ ಆ್ಯಂಡ್ರ್ಯೂ ಸ್ಟ್ರಾಸ್.