ನ್ಯೂಯಾರ್ಕ್ (ಪಿಟಿಐ): ಮಕ್ಕಳು ಮೋಜಿಗೆಂದು ಆಡುತ್ತಿದ್ದ ಕಳ್ಳ ಪೊಲೀಸ್ ಆಟವು ದುರಂತದಲ್ಲಿ ಕೊನೆಗೊಂಡಿದ್ದು, 11 ವರ್ಷದ ಬಾಲಕಿಯೊಬ್ಬಳು 90 ನಿಮಿಷಗಳ ಕಾಲ ವಾಷಿಂಗ್ ಮಷಿನ್ನಲ್ಲಿ ಸಿಲುಕಿಕೊಂಡ ಘಟನೆ ಇಲ್ಲಿ ನಡೆದಿದೆ.
ಸಾಲ್ಟ್ ಲೇಕ್ನ ಉತಾಹ್ ನಗರದ ತನ್ನ ಮನೆಯಲ್ಲಿ ಬಾಲಕಿಯೊಬ್ಬಳು ಸಹೋದರಿಯರೊಂದಿಗೆ ಆಡುತ್ತಿದ್ದಾಗ ವಾಷಿಂಗ್ ಮಷಿನ್ನ ಒಳಗಡೆ ಅಡಗಿಕೊಳ್ಳಲು ಯತ್ನಿಸಿದಾಗ ಅಲ್ಲಿಯೇ ಸಿಲುಕಿಕೊಂಡಿದ್ದಾಳೆ. ಮನೆಯವರು ಬಿಡಿಸಲು ಯತ್ನಿಸಿದರೂ ಸಾಧ್ಯವಾಗದೇ ಕೊನೆಗೆ ತುರ್ತು ಸೇವಾ ಸಿಬ್ಬಂದಿ ಅವಳನ್ನು ಹೊರತೆಗೆದಿದ್ದಾರೆ ಎಂದು ‘ನ್ಯೂಯಾರ್ಕ್ ಡೇಲಿ ನ್ಯೂಸ್’ ವರದಿ ಮಾಡಿದೆ.