ಶಿವರಾತ್ರಿ ನಿಮಿತ್ತ ವಿಶೇಷ ಪೂಜೆ

ಬೆಳಿಗ್ಗೆಯಿಂದಲೇ ಮಹಿಳೆಯರು ಶಿವ ದೇವಾಲಯಗಳಿಗೆ ತೆರಳಿ ಸರದಿಯಲ್ಲಿ ನಿಂತು ವಿಶೇಷ ಪೂಜೆ ನೆರವೇರಿಸಿ ದರು. ಪಟ್ಟಣದ ಕೋಟೆಯ ಕಾಶಿ ವಿಶ್ವೇಶ್ವರ, ಎಂ.ಜಿ. ರಸ್ತೆಯ ಈಶ್ವರ, ಹೊರವಲಯದ ಮಹದೇಶ್ವರ, ಮಳೂರಿನ ಅರ್ಕೇಶ್ವರ ಸ್ವಾಮಿ, ಕೋಡಂಬಹಳ್ಳಿ ಮರಳೇಶ್ವರ ಸ್ವಾಮಿ, ಹೊಂಗನೂರಿನ ಶಿವ ದೇವಸ್ಥಾನ, ಬೊಮ್ಮನಾಯಕನಹಳ್ಳಿ ಶಿವ ದೇವಸ್ಥಾನ, ಅಬ್ಬೂರುದೊಡ್ಡಿ ಬೀರೇಶ್ವರಸ್ವಾಮಿ, ರಾಂಪುರದ ಮಲವೇಶ್ವರ ಸ್ವಾಮಿ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ ನೆರವೇರಿದವು.

ಕೆಂಗಲ್ ಬಳಿಯ ಚಂದ್ರಗಿರಿ ದೊಡ್ಡಿ ಯೋಗಿ ಮುನೇಶ್ವರ ಸ್ವಾಮಿ ದೇವಸ್ಥಾನದಲ್ಲಿ ಕರಗ ಮಹೋತ್ಸವ, ಕೋಟೆ ಮಂಟೇಸ್ವಾಮಿ ದೇವಸ್ಥಾನ ಸೇವಾ ಸಮಿತಿಯಿಂದ ಸಾರ್ವಜನಿಕರಿಗಾಗಿ ವಿವಿಧ ಸ್ಪರ್ಧೆಗಳು ನೆರವೇರಿದವು.