ಶಿಶಿಲ ಸಂವತ್ಸರ ಸಂಭ್ರಮ-: ಅಕ್ಷರ ವಂದನೆ

ಸುಬ್ರಾಯ ಸಂಪಾಜೆ, ಸುಂದರ ಕೇನಾಜೆ, ರಾಧಾಕೃಷ್ಣ ಕಲ್ಚಾರ್, ಸಿತಾರಾಮ ಕೇವಳ, ಸ್ಮಿತಾ ಅಮೃತರಾಜ್, ಮಾಧವ ಪೆರಾಜೆ ಬಿಡುಗಡೆ­ಗೊಳಿಸಿದರು. ಶಿಶಿಲರ ಕೃತಿಗಳಲ್ಲಿ ಕಲಾತ್ಮಕತೆ­ಯೊಂದಿಗೆ ವೈಚಾರಿಕೆತೆಗೆ ಹೆಚ್ಚಿನ ಒತ್ತನ್ನು ನೀಡಿರುವುದನ್ನು ಕಾಣಬಹುದು, ನಿವೃತ್ತ ಜೀವನದಲ್ಲಿ ಇನ್ನೂ ಹೆಚ್ಚಿನ ಸಾಹಿತ್ಯ ಕೃತಿಗಳು ಅವರಿಂದ ಮೂಡಿ ಬರಲಿ ಎಂದು ಸುಬ್ರಾಯ ಸಂಪಾಜೆ ಹೇಳಿದರು.

ಮಾತುಗಾರಿಕೆ, ಬರವಣಿಗೆ ಎರಡೂ ಗುಣಗಳು ಇರುವ ಶಿಶಿಲರು ಅದ್ಭುತ ಸಾಧಕ. ವಿಭಿನ್ನ ಕ್ಷೇತ್ರಗಳಲ್ಲಿ ತೊಡಗಿಸಿಕೊಂಡು ಗೆಲುವಿನ ತುಡಿತದ ಕಡೆಗೆ ಹೋಗುವ ಗುಣ ಅವರಲ್ಲಿ ಇದೆ. ಸೈದ್ಧಾಂತಿಕ ಚೌಕಟ್ಟು, ಸತ್ಯದ ಪ್ರತಿಪಾದನೆ ಅವರ ಲೇಖನದಲ್ಲಿ ಕಾಣಬಹುದು ಎಂದು ಸುಂದರ ಕೇನಾಜೆ ಹೇಳಿದರು. ಅಕಾಡೆಮಿ ಆಫ್ ಲಿಬರಲ್ ಎಜ್ಯುಕೇಶನ್ನಿನ ಪಡ್ಡಂಬೈಲು ವೆಂಕಟ್ರಮಣ ಗೌಡ ಅಧ್ಯಕ್ಷತೆ ವಹಿಸಿದ್ದರು.

ನಂತರ ಗುರುವಂದನೆ ನಡೆಯಿತು. ತಮ್ಮ ವಿದ್ಯಾರ್ಥಿ ಜೀವನದಲ್ಲಿ ತಮ್ಮ ಏಳಿಗೆಗೆ ಕಾರಣರಾದ ಒಟ್ಟು 6 ಮಂದಿ ಶಿಕ್ಷಕರನ್ನು ಶಿಶಿಲ ಅವರು ಸನ್ಮಾನಿಸಿದರು.

ಶಿಶಿಲದ ನಿವೃತ್ತ ಮುಖ್ಯೊಪಾಧ್ಯಾಯ ಶಿವರಾಮ ಶಿಶಿಲ, ಕಟೀಲಿನ ನಿವೃತ್ತ ಮುಖ್ಯೋಪಾಧ್ಯಾಯ ರಮಾನಂದ ರಾವ್, ಶಿರ್ತಾಡಿಯ ಭವನಜ್ಯೋತಿ ರೆಸಿಡೆನ್ಸಿಯಲ್ ಸ್ಕೂಲ್‌ನ ಜಗತ್ಪಾಲ ಅರಿಗ ಧರ್ಮಸ್ಥಳ, ಅಳಿಕೆಯ ನಿವೃತ್ತ ಉಪನ್ಯಾಸಕ ಕೆ.ವಿ.ಸುಬ್ರಾಯ, ಮೈಸೂರು ಮಹಾಜನ ಸ್ನಾತಕೋತ್ತರ ಕೇಂದ್ರದ ಸಿ.ಕೆ.ರೇಣುಕಾರ್ಯ ಅವರನ್ನು ಶಿಶಿಲ ಗೌರವಿಸಿದರು.
ಸಾಮಾನ್ಯವಾಗಿ ಮಠಾಧೀಶರಿಗೆ ಗುರುವಂದನೆ­ಯನ್ನು ಸಲ್ಲಿಸುತ್ತಾರೆ. ಆದರೆ ತಮ್ಮ ಜೀವನಕ್ಕೆ ಮಹತ್ತರ ತಿರುವು ನೀಡಿದ ನೈಜ ಗುರುಗಳಿಗೆ ತಾವುು ಗುರು ವಂದನೆ ಸಲ್ಲಿಸುವುದಾಗಿ ಶಿಶಿಲ ಹೇಳಿದರು.

ಎ.ಒ.ಎಲ್.ಇ. ಅಧ್ಯಕ್ಷ ಡಾ.ಕೆ.ವಿ.ಚಿದಾನಂದ ಅಧ್ಯಕ್ಷತೆ ವಹಿಸಿದ್ದರು. ಪ್ರಧಾನ ಕಾರ್ಯದರ್ಶಿ ಡಾ. ರೇಣುಕಾಪ್ರಸಾದ್, ಶಿಶಿಲರ ಪತ್ನಿ ಶೈಲಿ ಪ್ರಭಾಕರ್, ಧನಂಜಯ ಅಡ್ಪಂಗಾಯ, ಪದ್ಮಾಕೋಲ್ಚಾರ್, ಚಂದ್ರಶೇಖರ್ ಪೇರಾಲು, ರಂಜನ್ ಪಾರೆಪ್ಪಾಡಿ, ಲತಾ ಮಧುಸೂದನ್ ವೇದಿಕೆಯಲ್ಲಿದ್ದರು.

ಕೆ.ಆರ್.ಗೋಪಾಲಕೃಷ್ಣ ಅವರಿಂದ ಭಾವಗೀತೆ, ಸುಬ್ರಾಯ ಸಂಪಾಜೆ ಬಳಗದವರಿಂದ ತಾಳಮದ್ದಲೆ, ವಿದ್ಯಾರ್ಥಿ ವೃಂದದಿಂದ ವಿನೋದಾವಳಿ ನಡೆಯದವು. ದಿನೇಶ್ ಮಡಪ್ಪಾಡಿ ಸ್ವಾಗತಿಸಿದರು. ಬೇಬಿವಿದ್ಯಾ, ಅಚ್ಚುತ ಅಟ್ಲೂರು ನಿರೂಪಿಸಿದರು.