ರಾಜ್ಯದ ಮಲೆನಾಡು ಮತ್ತು ಕರಾವಳಿ ಜಿಲ್ಲೆಗಳಲ್ಲಿ ನಾಯಿಕೊಡೆಗಳಂತೆ ತಲೆ ಎತ್ತಿರುವ `ರೆಸಾರ್ಟ್~ ಮತ್ತು `ಹೋಂ ಸ್ಟೇ~ಗಳಿಗೆ ಕಡಿವಾಣ ಹಾಕಲು ಸರ್ಕಾರ ಚಿಂತಿಸುತ್ತಿದೆ ಎಂಬ (ಪ್ರ ವಾ ಮೇ14) ವರದಿ ಓದಿ ಸಂತೋಷವಾಯಿತು.
ಮಲೆನಾಡಿನಲ್ಲಿ ಕೆಲವು `ಹೋಂ ಸ್ಟೇ~ಗಳು ಅಕ್ಷರಶಃ ಬಾರ್ಗಳಾಗಿವೆ. `ರೆಸಾರ್ಟ್~ಗಳಲ್ಲಂತೂ ಕೇಳುವ ಹಾಗಿಲ್ಲ. ಮೋಜು ಮಾಡಲು ಬರುವ ನಗರವಾಸಿಗಳನ್ನು ಅವು ಸುಲಿಗೆ ಮಾಡುತ್ತವೆ.
`ರೆಸಾರ್ಟ್~ ಮತ್ತು `ಹೋಂ ಸ್ಟೇ~ಗಳಿಂದ ಅವುಗಳ ಸುತ್ತಲಿನ ಜನರ ನೆಮ್ಮದಿ ಹಾಳಾಗಿದೆ. ಅವುಗಳಲ್ಲಿ ನಡೆಯುವ ಚಟುವಟಿಕೆಗಳನ್ನು ಸರ್ಕಾರ ಇದುವರೆಗೆ ಗಮನಿಸದೇ ಇದ್ದದ್ದು ಅಕ್ಷಮ್ಯ. ಇನ್ನಾದರೂ ಸರ್ಕಾರ ಅವುಗಳನ್ನು ನಿಯಂತ್ರಿಸಬೇಕು.