ಸೆಮಿಫೈನಲ್‌ಗೆ ಮಂಗಳೂರು, ಮೈಸೂರು

ಅಂಜುಮನ್ ಪದವಿ ಪೂರ್ವ ಕಲಾ ವಾಣಿಜ್ಯ ಮತ್ತು ವಿಜ್ಞಾನ ಕಾಲೇಜಿನಲ್ಲಿ ಪದವಿಪೂರ್ವ ಹಾಗೂ ವೃತ್ತಿ ಶಿಕ್ಷಣ ಇಲಾಖೆಗಳ ಆಶ್ರಯದಲ್ಲಿ ನಡೆಯುತ್ತಿರುವ ಟೂರ್ನಿಯ ಕ್ವಾರ್ಟರ್ ಫೈನಲ್‌ನಲ್ಲಿ ಬೆಂಗಳೂರು ದಕ್ಷಿಣ ತಂಡದವರು 2-0 ಗೋಲುಗಳಿಂದ ಬೆಂಗಳೂರು ಉತ್ತರ ತಂಡವನ್ನು ಮಣಿಸಿದರು. ಮಂಗಳೂರು ತಂಡದವರು 3-0 ಗೋಲುಗಳಿಂದ ಉಡುಪಿ ತಂಡವನ್ನು ಮಣಿಸಿದರು. ಬೆಳಗಾವಿ ಹಾಗೂ ಮೈಸೂರು ತಂಡಗಳ ಪಂದ್ಯದ ಫಲಿತಾಂಶಕ್ಕಾಗಿ ಪೆನಾಲ್ಟಿ ಮೊರೆ ಹೋಗಿದ್ದು, ಮೈಸೂರು 4-3 ಗೋಲುಗಳಿಂದ ಪಂದ್ಯವನ್ನು ಗೆದ್ದುಕೊಂಡಿತು.

ಪುರುಷರ ವಿಭಾಗದ ಪ್ರಿಕ್ವಾರ್ಟರ್ ಫೈನಲ್‌ನಲ್ಲಿ ಮಂಗಳೂರು ತಂಡದವರು 6-0 ಗೋಲುಗಳಿಂದ  ಬೆಂಗಳೂರು ಗ್ರಾಮೀಣ ತಂಡವನ್ನು ಸೋಲಿಸಿದರು. ಬೆಳಗಾವಿ ತಂಡ 3-0 ಗೋಲುಗಳಿಂದ ಬೀದರ್ ವಿರುದ್ಧ ಜಯ ಸಾಧಿಸಿತು. ಚಿತ್ರದುರ್ಗ ತಂಡ 4-2 ಗೋಲುಗಳಿಂದ ಚಾಮರಾಜನಗರ ತಂಡವನ್ನು ಸೋಲಿಸಿತು.