ಹುಕ್ಕೇರಿ: ಭಾನುವಾರ ಸುರಿದ ಭಾರಿ ಮಳೆಯಿಂದ ಜನರು ತೊಂದರೆಗೆ ಸಿಲುಕಿದ ಘಟನೆ ಪಟ್ಟಣದಲ್ಲಿ ಕಂಡು ಬಂದಿತು. ಮಧಾ್ಯಹ್ನ 2ರ ಸುಮಾರಿಗೆ ಆರಂಭವಾದ ಮಳೆಯು ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶದಲ್ಲಿ ಸುಮಾರು 2 ಗಂಟೆಗಳ ಕಾಲ ಸುರಿಯಿತು.
ಪಟ್ಟಣದ ಮಧ್ಯ ಭಾಗದಲ್ಲಿ ಹಾಯು್ದ ಹೋಗುವ ’ಲಂಡೂರಿ ಹಳ್ಳ’ ತುಂಬಿಕೊಂಡು ಕೋಟೆ ಭಾಗದ ಶಾಲೆಯ ಆವರಣ ನೀರಿನಿಂದ ತುಂಬಿಕೊಂಡಿತು. ಭಾನುವಾರ ಆಗಿದ್ದರಿಂದ ಶಾಲಾ ಮಕ್ಕಳು ಶಾಲೆಯಲ್ಲಿ ಇರಲಿಲ್ಲ.
ಗಜಬಾರವಾಡಿಯ ರಸೆ್ತಯ ಮೂಲಕ ಹರಿದು ಬರುವ ನೀರು ಸಾರ್ವಜನಿಕ ಗ್ರಂಥಾಲಯದ ಮುಂದಿನ ಹಳೆ ಬೆಳಗಾವಿ ರಸೆ್ತ ನೀರಿನಲ್ಲಿ ಮುಳಗಿ ಹೋಗಿ ಸಂಚಾರಕ್ಕೆ ಅಡ್ಡಿಯಾಯಿತು. ಬೈಪಾಸ್‌ ರಸೆ್ತಯಿಂದ ಹರಿದು ಬರುವ ನೀರು ಉಪ್ಪಾರ ಗಲ್ಲಿ ಮತ್ತು ಅಕ್ಕಪಕ್ಕದ ಜಾಗೆಯಲ್ಲಿ ಹರಿದು ಸುತ್ತಮುತ್ತಲಿ ಮನೆಯಲ್ಲಿ ಸೇರಿಕೊಂಡು ಹಾನಿ ಉಂಟು ಮಾಡಿತು. ಕೆಲವೊಂದು ಕಡೆ ಮನೆಯ ಗೋಡೆಗಳು ಬಿದ್ದ ವರದಿಯಾಗಿದೆ.
