ಬೆಂಗಳೂರು: ನಿಸಾನ್ ಮೋಟರ್ ಇಂಡಿಯಾ ಕಂಪನಿಯು ನಿಸಾನ್ ಮ್ಯಾಗ್ನೈಟ್‌ನ ವಿಶೇಷ ಆವೃತ್ತಿ ‘ಕುರೊ’ ಬಿಡುಗಡೆ ಮಾಡಿದೆ. ದೆಹಲಿಯಲ್ಲಿ ಇದರ ಎಕ್ಸ್ ಷೋರೂಂ ಬೆಲೆ ₹8.27 ಲಕ್ಷದಿಂದ ಆರಂಭ ಆಗಲಿದೆ ಎಂದು ಕಂಪನಿಯು ತಿಳಿಸಿದೆ.
ಸೆಪ್ಟೆಂಬರ್ 14ರಿಂದಲೇ ಈ ಆವೃತ್ತಿಯ ಬುಕಿಂಗ್ ಆರಂಭ ಆಗಿದೆ. ಮ್ಯಾಗ್ನೈಟ್‌ ಎಕ್ಸ್ ಎಂಟಿ, ಟರ್ಬೊ ಎಕ್ಸ್‌ವಿ ಎಂಟಿ ಮತ್ತು ಟರ್ಬೊ ಎಕ್ಸ್‌ವಿ ಸಿವಿಟಿ ಆವೃತ್ತಿಗಳಲ್ಲಿ ಲಭ್ಯವಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
‘ಗ್ರಾಹಕರ ಬದಲಾಗುತ್ತಿರುವ ಅಗತ್ಯ ಮತ್ತು ಆಯ್ಕೆಗಳಿಗೆ ಕಂಪನಿಯ ಬದ್ಧತೆಯನ್ನು ಈ ಆವೃತ್ತಿಯು ತಿಳಿಸುತ್ತದೆ’ ಎಂದು ನಿಸಾನ್ ಮೋಟರ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ರಾಕೇಶ್‌ ಶ್ರೀವಾಸ್ತವ ಹೇಳಿದ್ದಾರೆ.
