ಜಾಗ್ವಾರ್ ಲ್ಯಾಂಡ್ ರೋವರ್ ಸಂಸ್ಥೆಯ ಮೊದಲ ಎಲೆಕ್ಟ್ರಿಕ್ ವೆಹಿಕಲ್ ‘ಐ– ಪೇಸ್’ ಕಾರಿನಲ್ಲಿ ಶಬ್ದದೊಂದಿಗೆ ಎಚ್ಚರಿಕೆ ವ್ಯವಸ್ಥೆ (ಎವಿಎಎಸ್– ಆಡಿಯಬಲ್ ವೆಹಿಕಲ್ ಅಲರ್ಟ್ ಸಿಸ್ಟಮ್) ತಂತ್ರಜ್ಞಾನ ಅಳವಡಿಸಿದೆ. ಇದರಲ್ಲಿರುವ ಸೆನ್ಸರ್ (ಸಂವೇದಕ) ಕಾರು 20 ಗಂಟೆಗೆ 20 ಕಿ.ಮೀ ವೇಗದಲ್ಲಿ ಸಾಗುತ್ತಿದ್ದಾಗ, ಸ್ವಯಂಚಾಲಿತವಾಗಿ ಕಾರಿನ ಸುತ್ತ ಇರುವ ಪಾದಚಾರಿಗಳನ್ನು ಗುರುತಿಸಿ, ಅವರನ್ನು ಎಚ್ಚರಿಸಲು ಶಬ್ದ ಮಾಡುತ್ತದೆ. ಈ ಸೌಲಭ್ಯ ಅಂಧರಿಗೆ ಹೆಚ್ಚು ಉಪಯೋಗವಾಗುತ್ತದೆ. ಮಾತ್ರವಲ್ಲ, ರಸ್ತೆಯಲ್ಲಿ ಮೈಮರೆತು ಸಾಗುತ್ತಿರುವವರನ್ನು ಎಚ್ಚರಿಸಿ, ಅಪಾಯದಿಂದ ಪಾರು ಮಾಡುತ್ತದೆ.