ವಿಮಾನ ಇಂಧನ ದರ ಶೇ 1.3 ಇಳಿಕೆ

ಇದರಿಂದಾಗಿ ದೆಹಲಿಯಲ್ಲಿ ವಿಮಾನ ಇಂಧನ ದರವು ಪ್ರತಿ ಕಿಲೋ ಲೀಟರಿಗೆ ₹ 1,563ರಷ್ಟು ಕಡಿಮೆ ಆಗಿ ₹ 1.21 ಲಕ್ಷಕ್ಕೆ ತಲಿಪಿದೆ. ಮುಂಬೈನಲ್ಲಿ ₹ 1.20 ಲಕ್ಷ ಇದೆ. ಸ್ಥಳೀಯ ಮಾರಾಟ ತೆರಿಗೆಗೆ ಅನುಗುಣವಾಗಿ ರಾಜ್ಯದಿಂದ ರಾಜ್ಯಕ್ಕೆ ದರದಲ್ಲಿ ವ್ಯತ್ಯಾಸ ಆಗುತ್ತದೆ. (ಒಂದು ಕಿಲೋ ಲೀಟರ್‌ ಎಂದರೆ ಒಂದು ಸಾವಿರ ಲೀಟರ್).

2022ರಲ್ಲಿ ಈವರೆಗೆ ಒಟ್ಟಾರೆ 10 ಬಾರಿ ದರ ಏರಿಕೆ ಮಾಡಿದ ಬಳಿಕ, ಇದೇ ಮೊದಲ ಬಾರಿಗೆ ದರವನ್ನು ಕಡಿಮೆ ಮಾಡಲಾಗಿದೆ. 10 ಬಾರಿ ಒಟ್ಟಾರೆ ₹ 6,188 ರಷ್ಟು ದರ ಹೆಚ್ಚಳ ಮಾಡಲಾಗಿದೆ. ಇದರಿಂದ ಮೇ 16ರಂದು ವಿಮಾನ ಇಂಧನ ದರವು ದಾಖಲೆಯ ₹ 1.23 ಲಕ್ಷಕ್ಕೆ ಏರಿಕೆ ಕಂಡಿತ್ತು.

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ ಇಳಿಕೆಗೆ ಅನುಗುಣವಾಗಿ ವಿಮಾನ ಇಂಧನ ದರ ಕಡಿಮೆ ಮಾಡಲಾಗಿದೆ ಎಂದು ಕಂಪನಿಗಳು ತಿಳಿಸಿವೆ.