ಬೆಂಗಳೂರು: ಭಾರತ್‌ ಎಲೆಕ್ಟ್ರಾನಿಕ್ಸ್‌ ಲಿಮಿಟೆಡ್‌ (ಬಿಇಎಲ್‌) 2021–22ನೇ ಹಣಕಾಸು ವರ್ಷದಲ್ಲಿ ₹ 15 ಸಾವಿರ ಕೋಟಿ ಮೊತ್ತದ ವಹಿವಾಟು ನಡೆಸಿದೆ. ಈ ಮಾಹಿತಿಯು ತಾತ್ಕಾಲಿವಾಗಿದ್ದು, ಲೆಕ್ಕಪತ್ರ ಪರಿಶೋಧನೆಗೆ ಒಳಗಾಗಿಲ್ಲ ಎಂದು ಕಂಪನಿಯು ತಿಳಿಸಿದೆ.
ಕೋವಿಡ್‌ ಸಾಂಕ್ರಾಮಿಕ ಮತ್ತು ಸೆಮಿಕಂಡಕ್ಟರ್‌ ಕೊರತೆಯಂತಹ ಸಮಸ್ಯೆಗಳ ನಡುವೆಯೂ ಉತ್ತಮ ವಹಿವಾಟು ಸಾಧ್ಯವಾಗಿದೆ ಎಂದು ಹೇಳಿದೆ.
2020–21ನೇ ಹಣಕಾಸು ವರ್ಷದಲ್ಲಿ ಕಂಪನಿಯ ಒಟ್ಟಾರೆ ವಹಿವಾಟು ಮೊತ್ತವು ₹ 13,818 ಕೋಟಿಗಳಷ್ಟು ಇತ್ತು.
ಆತ್ಮನಿರ್ಭರ ಭಾರತ ಗುರಿ ಸಾಧನೆಯು ಮಹತ್ವವನ್ನು ಅರಿತಿದ್ದೇವೆ. ಭಾರತದಲ್ಲಿಯೇ ತಯಾರಿಸಿ, ಆಮದು ಪರ್ಯಾಯದಂತಹ ಉತ್ತೇಜನ ಕ್ರಮಗಳ ಮೂಲಕ ಸ್ವಾವಲಂಬನೆ ಸಾಧಿಸುವತ್ತ ಕಂಪನಿಯು ಹೆಚ್ಚಿನ ಶ್ರಮವಹಿಸಲಿದೆ ಎಂದು ಬಿಇಎಲ್‌ ಅಧ್ಯಕ್ಷ ಆನಂದಿ ರಾಮಲಿಂಗಮ್‌ ಹೇಳಿದರು.
