ಅದಾನಿ ಸಮೂಹವು ಸೋಮವಾರಕ್ಕೆ ಕೊನೆಗೊಂಡ ಓಪನ್ ಆಫರ್ ಮೂಲಕ 7.06 ಲಕ್ಷ ಷೇರುಗಳನ್ನು ಖರೀದಿಸಿದೆ. ‘ಈಗ ಅದಾನಿ ಸಮೂಹವು ಎನ್ಡಿಟಿವಿಯ ಅತಿದೊಡ್ಡ ಷೇರುದಾರ ಆಗಿದೆ. ಇಷ್ಟು ಪಾಲು ಹೊಂದಿದ ನಂತರ ಸಮೂಹವು ಎನ್ಡಿಟಿವಿ ಆಡಳಿತ ಮಂಡಳಿಯನ್ನು ಪುನರ್ ರಚಿಸಲು ಮುಂದಾಗಬಹುದು. ಮಂಡಳಿಯಲ್ಲಿ ತಮ್ಮ ಕಡೆಯ ನಿರ್ದೇಶಕರು ಇರಬೇಕು, ಈಗಿನ ಕೆಲವರು ಹೊರನಡೆಯಬೇಕು ಎಂಬ ಪ್ರಸ್ತಾವ ಇರಿಸಬಹುದು’ ಎಂದು ಇನ್ಗವರ್ನ್ ರಿಸರ್ಚ್ ಸರ್ವಿಸಸ್ನ ವ್ಯವಸ್ಥಾಪಕ ನಿರ್ದೇಶಕ ಶ್ರೀರಾಮ್ ಸುಬ್ರಮಣಿಯನ್ ಹೇಳಿದ್ದಾರೆ.