ನವದೆಹಲಿ: ಇಂಡಿಯಾ ಪೋಸ್ಟ್ ಪೇಮೆಂಟ್ಸ್ ಬ್ಯಾಂಕ್ಗೆ (ಐಪಿಪಿಬಿ) ₹ 820 ಕೋಟಿ ನೆರವು ಒದಗಿಸಲು ಕೇಂದ್ರ ಸಚಿವ ಸಂಪುಟ ಒಪ್ಪಿಗೆ ನೀಡಿದೆ ಎಂದು ಮೂಲಗಳು ತಿಳಿಸಿವೆ.
ಈ ನೆರವಿನಿಂದಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ಚಟುವಟಿಕೆ ವಿಸ್ತರಿಸಲು ಐಪಿಪಿಬಿಗೆ ಅನುಕೂಲ ಆಗಲಿದೆ. ಐಪಿಪಿಬಿ ಈಗ ಐದು ಕೋಟಿಗೂ ಹೆಚ್ಚು ಗ್ರಾಹಕರನ್ನು, 1.36 ಲಕ್ಷ ಶಾಖೆಗಳನ್ನು ಹೊಂದಿದೆ. ಇಲ್ಲಿನ ಖಾತೆಗಳಲ್ಲಿ ಸರಿಸುಮಾರು ಶೇಕಡ 48ರಷ್ಟು ಖಾತೆಗಳು ಮಹಿಳೆಯರದ್ದು.
ಹಣಕಾಸಿನ ಒಳಗೊಳ್ಳುವಿಕೆ ವಿಚಾರವಾಗಿ ಸರ್ಕಾರ ಹೊಂದಿರುವ ಗುರಿಯನ್ನು ತಲುಪಲು ಈ ಹಣಕಾಸಿನ ನೆರವು ಮುಖ್ಯ ಪಾತ್ರ ವಹಿಸಲಿದೆ ಎಂದು ಮೂಲಗಳು ವಿವರಿಸಿವೆ.