ಮುಂಬೈ: ಸರ್ಕಾರಿ ಸ್ವಾಮ್ಯದ ಕೆನರಾ ಬ್ಯಾಂಕ್‌ ಮತ್ತು ಬ್ಯಾಂಕ್‌ ಆಫ್‌ ಮಹಾರಾಷ್ಟ್ರ ಸೋಮವಾರ ಠೇವಣಿಗಳ ಮೇಲಿನ ಹೆಚ್ಚುವರಿ ವೆಚ್ಚ ಆಧರಿಸಿದ ಬಡ್ಡಿ ದರ (ಎಂಸಿಎಲ್‌ಆರ್‌) ಇಳಿಕೆ ಮಾಡಿವೆ. ಪರಿಷ್ಕೃತ ಬಡ್ಡಿದರವು ಮಂಗಳವಾರದಿಂದ ಜಾರಿಗೆ ಬರಲಿವೆ.
ಕೆನರಾ ಬ್ಯಾಂಕ್‌ ತನ್ನ ‘ಎಂಸಿಎಲ್‌ಆರ್‌’ ಅನ್ನು ಶೇ 0. 10ರಷ್ಟು ಕಡಿಮೆ ಮಾಡಿದೆ. ಇದರಿಂದ ಒಂದು ವರ್ಷದ ‘ಎಂಸಿಎಲ್‌ಆರ್‌’ ಶೇ 7.65 ರಿಂದ ಶೇ 7.55 ಕ್ಕೆ ಇಳಿಕೆಯಾಗಿದೆ.
ಒಂದು ದಿನದ ಮತ್ತು ಒಂದು ತಿಂಗಳ ಸಾಲದ ಮೇಲಿನ ಬಡ್ಡಿ ದರವನ್ನು ಶೇ 0.10ರಷ್ಟು ತಗ್ಗಿಸಿದ್ದು, ಶೇ 7.20ಕ್ಕೆ ತಲುಪಿದೆ. ಮೂರು ತಿಂಗಳ ಬಡ್ಡಿದರವು ಶೇ 7.55 ರಿಂದ ಶೇ 7.45ಕ್ಕೆ ಇಳಿಕೆಯಾಗಿದೆ.
ಬ್ಯಾಂಕ್‌ ಆಫ್‌ ಮಹಾರಾಷ್ಟ್ರ ಶೇ 0.20ರಷ್ಟು ಇಳಿಕೆ ಮಾಡಿದ್ದು ಸಾಲ ನೀಡಿಕೆ ದರವು ಶೇ 7.70ರಿಂದ ಶೇ 7.50ಕ್ಕೆ ಇಳಿಕೆಯಾಗಿದೆ.
