ನವದೆಹಲಿ: ಜಿಎಸ್ಟಿ ಅಡಿ ನೋಂದಣಿ ಆಗಿರುವ, ವಾರ್ಷಿಕವಾಗಿ ₹ 5 ಕೋಟಿಗೂ ಹೆಚ್ಚಿನ ವಹಿವಾಟು ನಡೆಸುವ ಉದ್ದಿಮೆಗಳು ಬಿ2ಬಿ ವಹಿವಾಟಿಗೆ ಇನ್ನು ಮುಂದೆ ಇ–ಇನ್ವಾಯ್ಸ್ ಸೃಷ್ಟಿಸಬೇಕಾಗುತ್ತದೆ.
ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್ನ ಕೇಂದ್ರೀಯ ಮಂಡಳಿಯ (ಸಿಬಿಐಸಿ) ಅಧ್ಯಕ್ಷ ವಿವೇಕ್ ಜೊಹ್ರಿ ಈ ಮಾಹಿತಿ ನೀಡಿದ್ದಾರೆ.
ಇ–ಇನ್ವಾಯ್ಸ್ ಸೃಷ್ಟಿಸುವುದನ್ನು ಹಂತ ಹಂತವಾಗಿ ಜಾರಿಗೆ ತರಲು ಜಿಎಸ್ಟಿ ಮಂಡಳಿಯು ನಿರ್ಧರಿಸಿದೆ ಎಂದು ಅವರು ಹೇಳಿದ್ದಾರೆ.
ಪಿಎಚ್ಡಿಸಿಸಿಐ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಇ–ಇನ್ವಾಯ್ಸ್ ಸೃಷ್ಟಿಸುವುದರಿಂದ ತೆರಿಗೆ ಅಧಿಕಾರಿಗಳು ಇನ್ವಾಯ್ಸ್ ಅನ್ನು ತಾಳೆ ಮಾಡಿ ನೋಡುವುದು ತಪ್ಪಲಿದೆ’ ಎಂದು ತಿಳಿಸಿದ್ದಾರೆ.
ಸದ್ಯ, ವಾರ್ಷಿಕವಾಗಿ ₹ 20 ಕೋಟಿಗೂ ಹೆಚ್ಚಿನ ವಹಿವಾಟು ನಡೆಸುವ ಉದ್ದಿಮೆಗಳು ಇ–ಇನ್ವಾಯ್ಸ್ ಸೃಷ್ಟಿಸಬೇಕಿದೆ.