ಕೇಂದ್ರ ಜಿಎಸ್‌ಟಿ ಸಂಗ್ರಹದಲ್ಲಿ ಇಳಿಕೆ
Updated:
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದ ಏಪ್ರಿಲ್‌–ನವೆಂಬರ್‌ ಅವಧಿಯಲ್ಲಿ ಕೇಂದ್ರ ಜಿಎಸ್‌ಟಿ (ಸಿಜಿಎಸ್‌ಟಿ) ಸಂಗ್ರಹವು ಬಜೆಟ್‌ ಅಂದಾಜಿಗಿಂತಲೂ ಶೇ. 40ರಷ್ಟು ಕಡಿಮೆಯಾಗಿದೆ.
ಈ ಅವಧಿಯಲ್ಲಿ ₹ 5.26 ಲಕ್ಷ ಕೋಟಿ ಸಿಜಿಎಸ್‌ಟಿ ಸಂಗ್ರಹವಾಗುವ ಅಂದಾಜು ಮಾಡಲಾಗಿತ್ತು. ಆದರೆ ಸಂಗ್ರಹವಾಗಿರುವುದು ₹ 3.28 ಲಕ್ಷ ಕೋಟಿಗಳಷ್ಟು ಮಾತ್ರ.
ಕೇಂದ್ರ ಹಣಕಾಸು ರಾಜ್ಯ ಸಚಿವ ಅನುರಾಗ್ ಸಿಂಗ್‌ ಠಾಕೂರ್‌ ಅವರು ಲೋಕಸಭೆಗೆ ಈ ಮಾಹಿತಿ ನೀಡಿದ್ದಾರೆ. ಈ ಅಂಕಿ–ಅಂಶಗಳು ತಾತ್ಕಾಲಿಕ ಎಂದೂ ಅವರು ಹೇಳಿದ್ದಾರೆ.
‘ಪ್ರಸಕ್ತ ಹಣಕಾಸು ವರ್ಷದಲ್ಲಿ ಅಕ್ಟೋಬರ್‌ವರೆಗೆ 999 ತೆರಿಗೆ ವಂಚನೆ ಪ್ರಕರಣಗಳು ದಾಖಲಾಗಿದ್ದು, ₹ 8.13 ಲಕ್ಷ ಕೋಟಿಗಳಷ್ಟು ವಸೂಲಿ ಮಾಡಲಾಗಿದೆ. 2018–19ರಲ್ಲಿ ₹ 19,395 ಕೋಟಿ ಹಾಗೂ ₹ 2017–18ರಲ್ಲಿ ₹ 758 ಕೋಟಿ ವಸೂಲಿ ಮಾಡಲಾಗಿದೆ’ ಎಂದು ಮಾಹಿತಿ ನೀಡಿದ್ದಾರೆ
ಸಿಜಿಎಸ್‌ಟಿ ಸಂಗ್ರಹ
ವರ್ಷ; ಅಂದಾಜು; ಸಂಗ್ರಹ
2018–19; ₹ 6.03 ಲಕ್ಷ ಕೋಟಿ; ₹ 4.57 ಲಕ್ಷ ಕೋಟಿ
ಪ್ರತಿಕ್ರಿಯಿಸಿ (+)
