ಭಾನುವಾರ, ಜೂಲೈ 5, 2020
28 °C

ಭವಿಷ್ಯ ನಿಧಿ ಹಣ ವರ್ಗಾವಣೆ ನಿಯಮ ಸರಳ: ಇಪಿಎಫ್‌ಒ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯು (ಇಪಿಎಫ್‌ಒ) ತನ್ನ ಸದಸ್ಯರ ಖಾತೆಯಿಂದ ಹಣ ವರ್ಗಾವಣೆ ಮತ್ತು ಹಿಂದೆ ಪಡೆಯುವ ನಿಯಮಗಳನ್ನು ಸರಳಗೊಳಿಸಿದೆ.

ಭವಿಷ್ಯ ನಿಧಿ ಖಾತೆ ಹೊಂದಿದವರ ಅನುಕೂಲಕ್ಕಾಗಿ ಸಂಘಟನೆಯು ತನ್ನ ಅಂತರ್ಜಾಲ ತಾಣದಲ್ಲಿ (https://unifiedportal-mem.epfindia.gov.in/memberinterface/) ಹೊಸ ಸೌಲಭ್ಯ ಕಲ್ಪಿಸಿ ಟ್ಟಿಟರ್‌ನಲ್ಲಿ ಮಾಹಿತಿ ನೀಡಿದೆ.

ಕೆಲಸ ಬದಲಿಸಿದ ಸಂದರ್ಭದಲ್ಲಿ ತಾನು ಹಿಂದೆ ಕೆಲಸ ಮಾಡುತ್ತಿದ್ದ ಕಂಪನಿ ತೊರೆದ ದಿನವನ್ನು ಉದ್ಯೋಗಿಯು ಅಂತರ್ಜಾಲ ತಾಣದಲ್ಲಿ ಬದಲಿಸಲು ಅವಕಾಶ ನೀಡಲಾಗಿದೆ. ಈ ಉದ್ದೇಶಕ್ಕೆ ಉದ್ಯೋಗಿಗಳು ತಾವು ಹಿಂದೆ ಕೆಲಸ ಮಾಡುತ್ತಿದ್ದ ಕಂಪನಿಯನ್ನು ನೆಚ್ಚಿಕೊಳ್ಳುವ ಅಗತ್ಯವು ಇನ್ನು ಮುಂದೆ ಇರುವುದಿಲ್ಲ.

ಕೆಲಸ ಬಿಟ್ಟ ನಂತರ ತಾನು ಕೆಲಸ ಮಾಡುವ ಸಂಸ್ಥೆಯನ್ನು ತೊರೆದ ದಿನವನ್ನು ಪಿಎಫ್‌ ಖಾತೆಯಲ್ಲಿ ನಮೂದಿಸಲು ಉದ್ಯೋಗಿಗೆ ಅವಕಾಶ ಕಲ್ಪಿಸಲಾಗಿದೆ. ಇದಕ್ಕೂ ಮೊದಲು, ಉದ್ಯೋಗಿಯು ಕೆಲಸ ತೊರೆದ ದಿನ ನವೀಕರಿಸುವ ಅವಕಾಶವನ್ನು ಉದ್ಯೋಗದಾತ ಕಂಪನಿಗೆ ಮಾತ್ರ ನೀಡಲಾಗಿತ್ತು. ‘ಇಪಿಎಫ್‌ಒ’ ದಾಖಲೆಗಳಲ್ಲಿ ಕೆಲಸ ತೊರೆಯುವ ದಿನ ನಮೂದಿಸಿರದಿದ್ದರೆ ಉದ್ಯೋಗ ತೊರೆದು ಹೊಸ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿಕೊಂಡಾಗ ಹಳೆ ಖಾತೆಯಲ್ಲಿನ ಹಣವನ್ನು ಹೊಸ ಖಾತೆಗೆ ವರ್ಗಾಯಿಸುವುದು ಮತ್ತು ಖಾತೆಯಿಂದ ಹಣ ಹಿಂದೆ ಪಡೆಯುವುದು ಸಾಧ್ಯವಿರಲಿಲ್ಲ. ಹುದ್ದೆ ತೊರೆದ ದಿನ ನಮೂದಿಸುವ ಮೊದಲು ಕಂಪನಿಯೇ ಮಾಹಿತಿ ನವೀಕರಿಸಿದೆಯೇ ಎನ್ನುವುದನ್ನೂ ತಿಳಿದುಕೊಳ್ಳಬೇಕು ಎಂದೂ ಉದ್ಯೋಗಿಗಳಿಗೆ ಸಲಹೆ ನೀಡಲಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು