ಮುಂಬೈ: ದೇಶದ ವಿದೇಶಿ ವಿನಿಮಯ ಮೀಸಲು ಸಂಗ್ರಹವು ಸೆಪ್ಟೆಂಬರ್ 6ಕ್ಕೆ ಕೊನೆಗೊಂಡ ವಾರದಲ್ಲಿ ₹ 7,100 ಕೋಟಿ ಹೆಚ್ಚಾಗಿ ₹ 30.50 ಲಕ್ಷ ಕೋಟಿಗೆ ತಲುಪಿದೆ.ಅದಕ್ಕೂ ಹಿಂದಿನ ವಾರ ₹ 30.43 ಲಕ್ಷ ಕೋಟಿಗಳಷ್ಟಿತ್ತು ಎಂದು ಆರ್ಬಿಐ ಮಾಹಿತಿ ನೀಡಿದೆ.
ವಿದೇಶಿ ಕರೆನ್ಸಿಗಳ ಸಂಗ್ರಹ ₹ 8,520 ಕೋಟಿ ಹೆಚ್ಚಾಗಿ ₹ 28.18 ಲಕ್ಷ ಕೋಟಿಗಳಿಗೆ ಏರಿಕೆಯಾಗಿದೆ. ಇದರಿಂದ ಒಟ್ಟಾರೆ ಕರೆನ್ಸಿ ಸಂಗ್ರಹದಲ್ಲಿಯೂ ಏರಿಕೆಯಾಗಿದೆ.
ಅಂತರರಾಷ್ಟ್ರೀಯ ಹಣಕಾಸು ನಿಧಿಯಲ್ಲಿನ (ಐಎಂಎಫ್) ಭಾರತದ ಕರೆನ್ಸಿ ಸಂಗ್ರಹ ₹ 14,200 ಕೋಟಿ ಹೆಚ್ಚಾಗಿ ₹25,631 ಕೋಟಿ ಗಳಷ್ಟಾಗಿದೆ.
