ಭಾನುವಾರ, ಸೆಪ್ಟೆಂಬರ್ 26, 2021
25 °C

ಈ ವಾರ ನಾಲ್ಕು ಕಂಪನಿಗಳ ಐಪಿಒ: ₹ 14,628 ಕೋಟಿ ಸಂಗ್ರಹ ನಿರೀಕ್ಷೆ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಈ ವಾರ ಒಟ್ಟು ನಾಲ್ಕು ಕಂಪನಿಗಳು ತಮ್ಮ ಷೇರುಗಳನ್ನು ಸಾರ್ವಜನಿಕರಿಗೆ ಖರೀದಿಗೆ ಮುಕ್ತವಾಗಿಸಲಿದ್ದು (ಐಪಿಒ), ಒಟ್ಟಾರೆ ₹ 14,628 ಕೋಟಿ ಸಂಗ್ರಹ ಆಗುವ ನಿರೀಕ್ಷೆ ಇದೆ.

ಕಳೆದ ವಾರ, ವಿಂಡ್ಲಾಸ್ ಬಯೋಟೆಕ್ ಲಿಮಿಟೆಡ್, ದೇವಯಾನಿ ಇಂಟರ್‌ನ್ಯಾಷನಲ್ ಲಿಮಿಟೆಡ್, ಕೃಷ್ಣಾ ಡಯಾಗ್ನಾಸ್ಟಿಕ್ಸ್ ಲಿಮಿಟೆಡ್ ಮತ್ತು ಎಕ್ಸಾರೊ ಟೈಲ್ಸ್ ಲಿಮಿಟೆಡ್ ಕಂಪನಿಗಳು ಐಪಿಒ ಮೂಲಕ ಷೇರುಪೇಟೆ ಪ್ರವೇಶಿಸಿದ್ದವು.

ಕಾರ್ಡ್ ಟ್ರೇಡ್ ಟೆಕ್‌, ನೂವೋಕೋ ವಿಸ್ತಾಸ್ ಕಾರ್ಪೊರೇಷನ್‌, ಆಪ್ಟಸ್ ವ್ಯಾಲ್ಯೂ ಹೌಸಿಂಗ್ ಫೈನಾನ್ಸ್ ಮತ್ತು ಚೆಂಪ್ಲಾಸ್ಟ್ ಸನ್ಮಾರ್ ಕಂಪನಿಗಳು ಐಪಿಒ ನಡೆಸಲಿವೆ. ಸಾಲ ತೀರಿಸಲು, ದುಡಿಯುವ ಬಂಡವಾಳದ ಅಗತ್ಯ ಹಾಗು ಇನ್ನಿತರ ಕಾರ್ಪೊರೇಟ್‌ ಉದ್ದೇಶಗಳಿಗಾಗಿ ಕಂಪನಿಗಳು ಬಂಡವಾಳ ಸಂಗ್ರಹಿಸಲಿವೆ.

ಪ್ರಸಕ್ತ ಹಣಕಾಸು ವರ್ಷದಲ್ಲಿ ಇಲ್ಲಿಯವರೆಗೆ 16 ಕಂಪನಿಗಳು ಐಪಿಒ ಮೂಲಕ ಒಟ್ಟಾರೆಯಾಗಿ ₹ 30,666 ಕೋಟಿ ಸಂಗ್ರಹಿಸಿವೆ. 2020–21ರಲ್ಲಿ ಒಟ್ಟು 30 ಕಂಪನಿಗಳು ₹ 31,277 ಕೋಟಿ ಸಂಗ್ರಹಿಸಿದ್ದವು.

ಇನ್ನೂ 40 ಕಂಪನಿಗಳು ಐಪಿಒಗೆ ಸಿದ್ಧತೆ ನಡೆಸಿದ್ದು ಒಟ್ಟಾರೆ ₹ 70 ಸಾವಿರ ಕೋಟಿ ಸಂಗ್ರಹವಾಗುವ ನಿರೀಕ್ಷೆ ಇದೆ ಎಂದು ಸ್ಯಾಕ್ಟಂ ವೆಲ್ತ್‌ ಮ್ಯಾನೇಜ್‌ಮೆಂಟ್‌ ಕಂಪನಿಯ ಈಕ್ವಿಟಿ ಮುಖ್ಯಸ್ಥ ಹೇಮಾಂಗ್‌ ಕಪಾಸಿ ಹೇಳಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.