ಐಡಿಬಿಐ ಬ್ಯಾಂಕ್‌ ಮಾರಾಟ: ಹಲವು ಹೂಡಿಕೆದಾರರಿಂದ ಪ್ರಾಥಮಿಕ ಬಿಡ್‌

ಸದ್ಯ, ಕೇಂದ್ರ ಸರ್ಕಾರ ಮತ್ತು ಎಲ್‌ಐಸಿ ಒಟ್ಟಾರೆ ಶೇ 94.72ರಷ್ಟು ಷೇರುಪಾಲನ್ನು ಐಡಿಬಿಐ ಬ್ಯಾಂಕ್‌ನಲ್ಲಿ ಹೊಂದಿವೆ. ಇದರಲ್ಲಿ ಶೇ 60.72ರಷ್ಟು ಷೇರುಪಾಲನ್ನು ಬ್ಯಾಂಕ್‌ನ ಆಡಳಿತದ ನಿಯಂತ್ರದ ಜೊತೆಗೆ ಮಾರಾಟ ಮಾಡಲು ಅಕ್ಟೋಬರ್‌ನಲ್ಲಿ ಬಿಡ್‌ ಆಹ್ವಾನಿಸಲಾಗಿತ್ತು. ಪ್ರಾಥಮಿಕ ಬಿಡ್‌ ಸಲ್ಲಿಸಲು ಡಿಸೆಂಬರ್ 16 ಕಡೆಯ ದಿನವಾಗಿತ್ತು. ಆದರೆ, ನಂತರ ಅದನ್ನು 2023ರ ಜನವರಿ 7ರವರೆಗೆ ವಿಸ್ತರಿಸಲಾಗಿತ್ತು.