ಬೆಲೆ ಏರಿಕೆ ನಿಯಂತ್ರಿಸುವ ಸಲುವಾಗಿ 30 ಲಕ್ಷ ಟನ್ ಗೋಧಿ ಮಾರಲಿರುವ ಕೇಂದ್ರ

ಈಗ ಗೋಧಿ ಹಿಟ್ಟಿನ ಸರಾಸರಿ ಬೆಲೆಯು ಕೆ.ಜಿ.ಗೆ ₹ 38ಕ್ಕೆ ಏರಿಕೆಯಾಗಿದೆ. 2021ರ ಡಿಸೆಂಬರ್ ಕೊನೆಯ ವೇಳೆಗೆ ಗೋಧಿ ಹಿಟ್ಟಿನ ಬೆಲೆ ₹ 31.74 ಆಗಿತ್ತು.

ಗೋಧಿಯನ್ನು ಕೇಂದ್ರವು ಹಿಟ್ಟಿನ ಗಿರಣಿಗಳಿಗೆ ಹಾಗೂ ವರ್ತಕರಿಗೆ ಮಾರಾಟ ಮಾಡಲಿದೆ. ‘ಗೋಧಿ, ಗೋಧಿ ಹಿಟ್ಟಿನ ಬೆಲೆ ಏರಿಕೆಯನ್ನು ನಿಯಂತ್ರಿಸಲು ಕೇಂದ್ರವು ಕ್ರಮ ಕೈಗೊಳ್ಳಲಿದೆ’ ಎಂದು ಆಹಾರ ಕಾರ್ಯದರ್ಶಿ ಸಂಜೀವ್ ಚೋಪ್ರಾ ಈಚೆಗೆ ಹೇಳಿದ್ದರು. ಬೆಲೆ ನಿಯಂತ್ರಿಸುವ ಉದ್ದೇಶದಿಂದ ಕೇಂದ್ರವು ಗೋಧಿ ರಫ್ತನ್ನು 2022ರ ಮೇ ತಿಂಗಳಲ್ಲಿ ನಿರ್ಬಂಧಿಸಿತ್ತು.