ಶುಕ್ರವಾರ, ಆಗಸ್ಟ್ 14, 2020
27 °C

ಹೋಂಡಾ ಸಿಟಿ ಮುಂಗಡ ಬುಕಿಂಗ್‌ ಆರಂಭ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಹೋಂಡಾ ಕಾರ್ಸ್‌ ಇಂಡಿಯಾ ಕಂಪನಿಯು ಜುಲೈನಲ್ಲಿ ಬಿಡುಗಡೆ ಮಾಡಲಿರುವ ಹೊಸ ಹೋಂಡಾ ಸಿಟಿಯ ಮುಂಗಡ ಬುಕಿಂಗ್‌ಗೆ ಚಾಲನೆ ನೀಡಿದೆ.

5ನೇ ಪೀಳಿಗೆಯ ಹೋಂಡಾ ಸಿಟಿಯನ್ನು ಖರೀದಿಸಲು ಕಂಪನಿಯ ಅಧಿಕೃತ ಜಾಲತಾಣದಲ್ಲಿ ₹ 5 ಸಾವಿರ ಪಾವತಿಸಿ ಕಾಯ್ದಿರಿಸಬಹುದು. ವಿತರಕರ ಬಳಿ ₹ 21 ಸಾವಿರ ಪಾವತಿಸಿಯೂ ಕಾಯ್ದಿರಿಸಬಹುದು.

ಬಿಎಸ್‌6 ಮಾನದಂಡಕ್ಕೆ ಪೂರಕವಾಗಿ, 1.5 ಲೀಟರ್‌ ಪೆಟ್ರೋಲ್‌ ಮತ್ತು ಡೀಸೆಲ್‌ ಎಂಜಿನ್‌ ಆಯ್ಕೆಗಳಲ್ಲಿ ಸಿಗಲಿವೆ.

ಉತ್ತರ ಪ್ರದೇಶದ ಗ್ರೇಟರ್‌ ನೊಯಿಡಾ ಘಟಕದಲ್ಲಿ ಈ ಕಾರ್‌ ತಯಾರಾಗುತ್ತಿದೆ. ಕೋವಿಡ್‌–19  ಪಿಡುಗು ಗಮನದಲ್ಲಿ ಇಟ್ಟುಕೊಂಡು ಸರ್ಕಾರ ನೀಡಿರುವ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ಅಗತ್ಯವಾದ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಲಾಗಿದೆ.

‘ಈ ಹಿಂದಿನ ಪೀಳಿಗೆಯ ಹೋಂಡಾ ಸಿಟಿಗೆ ದೊರೆತಿರುವ ಉತ್ತಮ ಸ್ಪಂದನೆಯು ಇದಕ್ಕೂ ಸಿಗುವ ಭರವಸೆ ಇದೆ’ ಎಂದು ಕಂಪನಿಯ ಹಿರಿಯ ಉಪಾಧ್ಯಕ್ಷ ರಾಜೇಶ್ ಗೋಯಲ್‌ ತಿಳಿಸಿದ್ದಾರೆ.

20.3ಸಿಎಂ ಟಚ್‌ಸ್ಕ್ರೀನ್‌ ಡಿಸ್‌ಪ್ಲೇ ಆಡಿಯೊ, ಸ್ಮಾರ್ಟ್‌ಫೋನ್‌ ಕನೆಕ್ಟಿವಿಟಿ ವಿತ್‌ ಆಂಡ್ರಾಯ್ಡ್‌ ಆಟೊ, ಆ್ಯಪಲ್‌ ಕಾರ್‌ಪ್ಲೇ ಮತ್ತು ಒನ್‌ಟಚ್‌ ಎಲೆಕ್ಟ್ರಿಕ್‌ ಸನ್‌ರೂಫ್‌ ಸೌಲಭ್ಯಗಳಿವೆ. 

ವೈಶಿಷ್ಟ್ಯಗಳು

ಪೂರ್ಣ ಪ್ರಮಾಣದ ಎಲ್‌ಇಡಿ ಹೆಡ್‌ಲ್ಯಾಂಪ್‌

ಜೆಡ್‌ ಆಕಾರದ ಎಲ್‌ಇಡಿ ಟೇಲ್‌ ಲ್ಯಾಂಪ್‌

17.7ಸಿಎಂ ಎಚ್‌ಡಿ ಫುಲ್‌ ಕಲರ್‌ ಟಿಎಫ್‌ಟಿ ಮೀಟರ್‌

ಲೇನ್‌ ವಾಚ್‌ ಕ್ಯಾಮೆರಾ

ವೆಹಿಕಲ್‌ ಸ್ಟೆಬಿಲಿಟಿ ಅಸಿಸ್ಟ್‌ (ವಿಎಸ್ಎ)

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು