ನವದೆಹಲಿ: ಈಚೆಗೆ ಬಿಡುಗಡೆ ಆಗಿರುವ ಅಲ್ಕಾಜಾರ್ ಎಸ್‌ಯುವಿ ಬುಕಿಂಗ್ 11 ಸಾವಿರಕ್ಕೂ ಹೆಚ್ಚು ಆಗಿದೆ ಎಂದು ಹುಂಡೈ ಮೋಟರ್‌ ಇಂಡಿಯಾ ಕಂಪನಿಯು ಸೋಮವಾರ ತಿಳಿಸಿದೆ.
ಕಂಪನಿಯು ಈ ಮಾದರಿಯ 5,600 ಎಸ್‌ಯುವಿಗಳನ್ನು ಗ್ರಾಹಕರಿಗೆ ಈಗಾಗಲೇ ವಿತರಣೆ ಮಾಡಿದೆ.
ಆರು ಹಾಗೂ ಏಳು ಆಸನಗಳ ಸಾಮರ್ಥ್ಯದ ಈ ವಾಹನದ ಮೂಲಕ ಎಸ್‌ಯುವಿ ಮಾರುಕಟ್ಟೆಯಲ್ಲಿ ಪಾಲು ಹೆಚ್ಚಿಸಿಕೊಳ್ಳುವ ಉದ್ದೇಶ ಹೊಂದಲಾಗಿದೆ ಎಂದು ಕಂಪನಿಯ ಭಾರತದ ನಿರ್ದೇಶಕ ತರುಣ್‌ ಗರ್ಗ್‌ ಹೇಳಿದ್ದಾರೆ.
ಅಲ್ಕಾಜಾರ್ 1.5 ಲೀಟರ್ ಡೀಸೆಲ್‌ ಮತ್ತು 2 ಲೀಟರ್ ಪೆಟ್ರೋಲ್ ಎಂಜಿನ್‌ ಆಯ್ಕೆಗಳಲ್ಲಿ ಲಭ್ಯವಿದೆ.
