ನವದೆಹಲಿ: ಹುಂಡೈ ಮೋಟರ್ ಇಂಡಿಯಾ ಕಂಪನಿಯು ಮೇ ತಿಂಗಳಿನಲ್ಲಿ 5 ಸಾವಿರ ಕಾರ್ಗಳನ್ನು ರಫ್ತು ಮಾಡಿದೆ.
ಮೇ 8ರಂದು ಚೆನ್ನೈ ಘಟಕದಲ್ಲಿ ತಯಾರಿಕೆಯನ್ನು ಪುನರಾರಂಭ ಮಾಡಿದ ಬಳಿಕ ಈ ಪ್ರಮಾಣದಲ್ಲಿ ರಫ್ತು ಮಾಡಲಾಗಿದೆ. ಈ ಮೂಲಕ ಕೇಂದ್ರ ಸರ್ಕಾರದ ‘ಭಾರತದಲ್ಲಿಯೇ ತಯಾರಿಸಿ’ ಕಾರ್ಯಕ್ರಮಕ್ಕೆ ಬೆಂಬಲವನ್ನು ಮುಂದುವರಿಸಲಾಗಿದೆ ಎಂದು ತಿಳಿಸಿದೆ.
1999ರಿಂದ ರಫ್ತು ವಹಿವಾಟು ಆರಂಭಿಸಲಾಗಿದ್ದು, ಇದುವರೆಗೆ 88 ದೇಶಗಳಿಗೆ 30 ಲಕ್ಷ ವಾಹನಗಳನ್ನು ರಫ್ತು ಮಾಡಲಾಗಿದೆ ಎಂದು ಹೇಳಿದೆ.
