ಚೀನಾದಲ್ಲಿ ಜಾರಿಗೆ ತಂದಿದ್ದ ದಿಗ್ಬಂಧನದಿಂದಾಗಿ ಆರಂಭದಲ್ಲಿ ಸ್ಥಳೀಯ ತಯಾರಿಕಾ ಚಟುವಟಿಕೆಗಳಿಗೆ ಕಚ್ಚಾ ಸರಕುಗಳ ಪೂರೈಕೆಯಲ್ಲಿ ಅಡಚಣೆ ಉಂಟಾಗಿತ್ತು. ಈಗ ವಿಶ್ವದಾದ್ಯಂತ ಕೊರೊನಾ ವೈರಸ್‌ ಹಾವಳಿ ಕಂಡು ಬಂದಿರುವುದರಿಂದ ಈ ವರ್ಷ ಜಾಗತಿಕ ಹಿಂಜರಿತ ಕಂಡುಬರಲಿದೆ. ಇದರ ಪರಿಣಾಮವಾಗಿ ಭಾರತದ ವೃದ್ಧಿ ದರ ಶೇ 2ರಷ್ಟಾಗಲಿದೆ. ಇದು ಹಿಂದಿನ 30 ವರ್ಷಗಳಲ್ಲಿನ ಕನಿಷ್ಠ ವೃದ್ಧಿ ದರವಾಗಿರಲಿದೆ. ಗ್ರಾಹಕರ ವೆಚ್ಚ ಗಮನಾರ್ಹವಾಗಿ ಕಡಿಮೆಯಾಗಲಿರುವುದರಿಂದ ಸಣ್ಣ ಮತ್ತು ಮಧ್ಯಮ ಕೈಗಾರಿಕೆ (ಎಸ್‌ಎಂಇ) ಹಾಗೂ ಸೇವಾ ಕ್ಷೇತ್ರಗಳು ತೀವ್ರವಾಗಿ ಬಾಧಿತವಾಗಲಿವೆ ಎಂದು ತಿಳಿಸಿದೆ.
