ಐದು ರಾಜ್ಯಗಳ ಚುನಾವಣೆಯ ಕಾರಣದಿಂದಾಗಿ ಇಂಧನ ದರ ಏರಿಕೆಯನ್ನು ದೀರ್ಘ ಅವಧಿಯವರೆಗೆ ತಡೆಹಿಡಿಯಲಾಗಿತ್ತು. ಹೀಗಾಗಿ ಚುನಾವಣೆ ಮುಗಿಯುತ್ತಿದ್ದಂತೆಯೇ ಬೆಲೆ ಏರಿಕೆ ಆಗಬಹುದು ಎನ್ನುವ ನಿರೀಕ್ಷೆಯಿಂದ ಮಾರ್ಚ್ನ ಮೊದಲೆರಡು ವಾರಗಳಲ್ಲಿ ವಿತರಕರು ಮತ್ತು ಸಾರ್ವಜನಿಕರು ಹೆಚ್ಚಿನ ಪ್ರಮಾಣದಲ್ಲಿ ಇಂಧನ ಸಂಗ್ರಹಿಸಿ ಇಡಲು ಮುಂದಾದರು. ಈ ವೇಳೆ ಪೆಟ್ರೋಲ್ ಮಾರಾಟ ಶೇ 18ರಷ್ಟು ಮತ್ತು ಡೀಸೆಲ್ ಮಾರಾಟ ಶೇ 23.7ರಷ್ಟು ಹೆಚ್ಚಾಯಿತ್ತು. ಮಾರ್ಚ್ 22ರಿಂದ ಪೆಟ್ರೋಲ್, ಡೀಸೆಲ್ ದರ ಏರಿಕೆ ಆರಂಭ ಆದ ಬಳಿಕ ಖರೀದಿ ಪ್ರಮಾಣ ಕಡಿಮೆ ಆಗಲಾರಂಭಿಸಿತು.