ಬುಧವಾರ, ಆಗಸ್ಟ್ 5, 2020
26 °C

ರಿಲಯನ್ಸ್‌ ಜಿಯೊದಲ್ಲಿ ಇಂಟೆಲ್‌ ₹1,894 ಕೋಟಿ ಹೂಡಿಕೆ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ರಿಲಯನ್ಸ್ ಜಿಯೊ ಡಿಜಿಟಲ್‌

ಮುಂಬೈ: ವಿದೇಶಿ ಹೂಡಿಕೆಗಳಿಗೆ ತೆರೆದುಕೊಂಡಿರುವ ರಿಲಯನ್ಸ್‌ ಜಿಯೊದಲ್ಲಿ ಇಂಟೆಲ್‌ ಕ್ಯಾಪಿಟಲ್‌ ₹1,894.5 ಕೋಟಿ ಹೂಡಿಕೆ ಮಾಡಲಿದೆ. ಈ ಮೂಲಕ ಜಿಯೊ ಪಾಟ್‌ಫಾರ್ಮ್ಸ್‌ನ ಶೇ 0.39ರಷ್ಟು ಪಾಲುದಾರಿಕೆಯನ್ನು ಇಂಟೆಲ್‌ ಪಡೆಯಲಿದೆ ಎಂದು ರಿಯಲಯನ್ಸ್‌ ಮುಂಬೈ ಷೇರುಪೇಟೆಗೆ ಸಲ್ಲಿಸಿರುವ ಅರ್ಜಿಯಲ್ಲಿ ತಿಳಿಸಿದೆ.

ಹನ್ನೊಂದು ವಾರಗಳಲ್ಲಿ ಜಿಯೊ ಪಾಟ್‌ಫಾಮ್ಸ್‌ 12ನೇ ಹೂಡಿಕೆ ಪಡೆಯುತ್ತಿದೆ. ಇಂಟೆಲ್‌ ಜೊತೆಗಿನ ಶೇ 0.39ರಷ್ಟು ಪಾಲು ಒಪ್ಪಂದದಿಂದ ರಿಯಲನ್ಸ್‌ ಜಿಯೊ ಪ್ಲಾಟ್‌ಫಾರ್ಮ್ಸ್‌ನ ಒಟ್ಟು ಶೇ 25.09ರಷ್ಟು ಪಾಲು ಮಾರಾಟ ಮಾಡಿದಂತಾಗಿದೆ.

ಈವರೆಗೂ ರಿಲಯನ್ಸ್‌ ವಿದೇಶಿ ಕಂಪನಿಗಳ ಹೂಡಿಕೆಯಿಂದ  ₹1,17,588.45 ಕೋಟಿ ಸಂಗ್ರಹಿಸಿದೆ. ರಿಯಲನ್ಸ್‌ ಭಾಗವಾಗಿರುವ ಜಿಯೊ ಪ್ಲಾಟ್‌ಫಾರ್ಮ್ಸ್‌ ಸುಮಾರು 38.8 ಕೋಟಿ ಗ್ರಾಹಕರನ್ನು ಹೊಂದಿದೆ.

ತಂತ್ರಜ್ಞಾನ ಸಂಸ್ಥೆ ಫೇಸ್‌ಬುಕ್‌ ರಿಲಯನ್ಸ್‌ನಲ್ಲಿ ₹43,574 ಕೋಟಿ ಹೂಡಿಕೆಯ ಮೂಲಕ ಶೇ 9.99ರಷ್ಟು ಪಾಲುದಾರಿಕೆ ಪಡೆದಿದೆ. ಇದರೊಂದಿಗೆ ಸಿಲ್ವರ್‌ ಲೇಕ್‌ ಮತ್ತು ವಿಸ್ತಾ ಈಕ್ವಿಟಿ ಪಾರ್ಟ್‌ನರ್ಸ್‌, ಜನರಲ್‌ ಅಟ್ಲಾಂಟಿಕ್‌, ಕೆಕೆಆರ್‌ ಹೂಡಿಕೆ ಸಂಸ್ಥೆ, ಅಬು–ಧಾಬಿ ಮೂಲದ ಮುಬದಲಾ, ಟಿಪಿಜಿ ಹಾಗೂ ಎಲ್‌. ಕ್ಯಾಟರ್‌ಟನ್‌ ಪಾಲು ಖರೀದಿ ಒಪ್ಪಂದ ಮಾಡಿಕೊಂಡಿವೆ. ಈಗಾಗಲೇ ರಿಲಯನ್ಸ್‌ ಜಿಯೊ ಸಾಲಮುಕ್ತ ಸಂಸ್ಥೆ ಎಂದು ಘೋಷಿಸಿಕೊಂಡಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು