ನವದೆಹಲಿ: ಭಾರತೀಯ ರೈಲ್ವೆ ಹಣಕಾಸು ನಿಗಮದ (ಐಆರ್‌ಎಫ್‌ಸಿ) ₹ 4,600 ಕೋಟಿ ಮೊತ್ತದ ಷೇರುಗಳು ಸಾರ್ವಜನಿಕರಿಗೆ ಆರಂಭಿಕ ಖರೀದಿಗೆ (ಐಪಿಒ) ಇದೇ 18ರಂದು ಮುಕ್ತವಾಗಲಿವೆ ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಸ್ವತ್ತು ನಿರ್ವಹಣಾ ಇಲಾಖೆಯ (ಡಿಐಪಿಎಎಂ) ಕಾರ್ಯದರ್ಶಿ ಟಿ.ಕೆ. ಪಾಂಡೆ ತಿಳಿಸಿದ್ದಾರೆ.
ಪ್ರತಿ ಷೇರಿಗೆ ₹ 25ರಿಂದ ₹ 26ರ ಬೆಲೆ ನಿಗದಿ ಮಾಡಲಾಗಿದೆ ಎಂದು ಪಾಂಡೆ ಟ್ವೀಟ್‌ ಮಾಡಿದ್ದಾರೆ. 178.20 ಕೋಟಿ ಷೇರುಗಳನ್ನು ಮಾರಾಟಕ್ಕೆ ಇಡಲಾಗಿದೆ. ಬ್ಯಾಂಕೇತರ ಹಣಕಾಸು ಕಂಪನಿಯಾಗಿರುವ (ಎನ್‌ಬಿಎಫ್‌ಸಿ) ಐಆರ್‌ಎಫ್‌ಸಿಯ ಮೊದಲ ಐಪಿಒ ಇದಾಗಿದೆ.
