ಟೋಕಿಯೊ (ರಾಯಿಟರ್ಸ್): ಭಾರತದಲ್ಲಿ ವಿದ್ಯುತ್ ಚಾಲಿತ (ಇ.ವಿ.) ವಾಹನ ಮತ್ತು ಬ್ಯಾಟರಿ ತಯಾರಿಕೆಗಾಗಿ ₹ 9,500 ಕೋಟಿ ಹೂಡಿಕೆ ಮಾಡಲು ಜಪಾನ್‌ನ ಸುಜುಕಿ ಮೋಟರ್‌ ಕಂಪನಿಯು ಉದ್ದೇಶಿಸಿದೆ ಎಂದು ಅಲ್ಲಿನ ನಿಕೇಯ್‌ ಬಿಸಿನೆಸ್‌ ಡೈಲಿ ಶನಿವಾರ ವರದಿ ಮಾಡಿವೆ.
ಭಾರತದಲ್ಲಿ ಜಪಾನ್‌ ಮುಂದಿನ ಐದು ವರ್ಷಗಳಲ್ಲಿ ₹ 3.2 ಲಕ್ಷ ಕೋಟಿ ಹೂಡಿಕೆ ಮಾಡುವುದಾಗಿ ಘೋಷಿಸಿದ್ದು, ಸುಜುಕಿ ಕಂಪನಿಯ ಹೂಡಿಕೆಯು ಅದರ ಒಂದು ಭಾಗವಾಗಿರಲಿದೆ ಎಂದು ತಿಳಿಸಿದೆ.
2025ರ ಆರಂಭದಲ್ಲಿ ಭಾರತದಲ್ಲಿ ವಿದ್ಯುತ್ ಚಾಲಿತ ವಾಹನಗಳ ತಯಾರಿಕೆ ಆರಂಭಿಸುವ ಉದ್ದೇಶದಿಂದ ತಯಾರಿಕಾ ಘಟಕ ಸ್ಥಾಪನೆ ಮಾಡಲು ಕಂಪನಿಯು ನಿರ್ಧರಿಸಿದೆ ಎಂದು ಹೇಳಿದೆ. ಈ ವರದಿಯನ್ನು ಖಚಿತಪಡಿಸಲು ಕಂಪನಿಯ ವಕ್ತಾರರು ನಿರಾಕರಿಸಿದ್ದಾರೆ.
