ಜಾಗ್ವಾರ್‌ ಲ್ಯಾಂಡ್‌ ರೋವರ್‌ ‘ಡಿಫೆಂಡರ್‌ 90’ ಮಾರಾಟ ಆರಂಭ

‘ಡಿಫೆಂಡರ್‌ 90’ ಮಾದರಿಯಲ್ಲಿ ಮೂರು ಬಗೆಯ ಎಂಜಿನ್‌ ಆಯ್ಕೆಗಳನ್ನು ನೀಡಲಾಗಿದೆ. 2 ಲೀಟರ್‌ ಪೆಟ್ರೋಲ್‌ ಎಂಜಿನ್‌ 221ಕೆಡಬ್ಲ್ಯು ಶಕ್ತಿ ಹೊರಸೂಸಬಲ್ಲದು. 3 ಲೀಟರ್‌ ಪೆಟ್ರೋಲ್‌ ಎಂಜಿನ್‌ 294 ಕೆಡಬ್ಲ್ಯು ಶಕ್ತಿ ಹೊರಸೂಸಬಲ್ಲದು ಹಾಗೂ 3 ಲೀಟರ್‌ ಡೀಸೆಲ್ ಎಂಜಿನ್‌ 221 ಕೆಡಬ್ಲ್ಯು ಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ಹೇಳಿದೆ.

ಕಂಪನಿಯು ದೇಶದಲ್ಲಿ ಈಗಾಗಲೇ ಡಿಫೆಂಡರ್‌ 110 ಮಾರಾಟ ಮಾಡುತ್ತಿದೆ. ‘ಡಿಫೆಂಡರ್‌ 110 ಬೇಡಿಕೆಯು ಉತ್ತಮವಾಗಿ ಇರಲಿದೆ. ಈಗ ಡಿಫೆಂಡರ್‌ 90 ಮಾದರಿಯನ್ನು ಪರಿಚಯಿಸಿರುವುದರಿಂದ ಡಿಫೆಂಡರ್‌ ವ್ಯಾಪ್ತಿ ಮತ್ತು ಲ್ಯಾಂಡ್ ರೋವರ್‌ ಬ್ರ್ಯಾಂಡ್‌ ಇನ್ನಷ್ಟು ವಿಸ್ತರಣೆ ಆಗಲಿದೆ’ ಎಂದು ಜೆಎಲ್‌ಆರ್‌ ಇಂಡಿಯಾದ ಅಧ್ಯಕ್ಷ ರೋಹಿತ್‌ ಸೂರಿ ಅವರು ಹೇಳಿದ್ದಾರೆ.