ನವದೆಹಲಿ: ಸಬ್ಸಿಡಿ ಒಳಗೊಂಡ ಅಡುಗೆ ಅನಿಲ ಸಿಲಿಂಡರ್ (ಎಲ್ಪಿಜಿ) ಬೆಲೆಯನ್ನು ತಕ್ಷಣದಿಂದಲೇ ಜಾರಿಗೆ ಬರುವಂತೆ ₹ 2ರಂತೆ ಹೆಚ್ಚಿಸಲಾಗಿದೆ.
ಈ ತಿಂಗಳಲ್ಲಿ ಎರಡನೆ ಬಾರಿಗೆ ದರ ಹೆಚ್ಚಿಸಿದಂತಾಗಿದೆ. ಇದಕ್ಕೂ ಮೊದಲು ₹ 2.94 ರಂತೆ ಬೆಲೆ ಏರಿಸಲಾಗಿತ್ತು. ಎಲ್ಪಿಜಿ ವಿತರಕರ ಕಮಿಷನ್ ಹೆಚ್ಚಿಸುವ ಉದ್ದೇಶಕ್ಕೆ ಬೆಲೆ ಏರಿಕೆ ಮಾಡಲಾಗಿದೆ.
ಸಾರಿಗೆ ವೆಚ್ಚ, ವೇತನ ಏರಿಕೆಯ ಕಾರಣಕ್ಕೆ 14.2 ಕೆಜಿ ಮತ್ತು 5 ಕೆಜಿ ಸಿಲಿಂಡರ್ನ ಕಮಿಷನ್ ಮೊತ್ತವನ್ನು ಕ್ರಮವಾಗಿ ₹ 50.58 ಮತ್ತು ₹ 25.29ಕ್ಕೆ ಹೆಚ್ಚಿಸಲಾಗಿದೆ.