ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮಾರುತಿ: ಕೊರೊನಾ ರಕ್ಷಣೆ ಬಿಡಿಭಾಗ

Last Updated 4 ಜೂನ್ 2020, 10:42 IST
ಅಕ್ಷರ ಗಾತ್ರ

ನವದೆಹಲಿ : ಕಾರ್‌ ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಇಂಡಿಯಾ (ಎಂಎಸ್‌ಐ), ಕೊರೊನಾ–2 ವೈರಾಣು ಸೋಂಕು ತಡೆಗಟ್ಟಲು ನೆರವಾಗುವ ವೈವಿಧ್ಯಮಯ ಉಪಕರಣಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಈ ಉಪಯುಕ್ತ ಸಾಧನಗಳಲ್ಲಿಮೂರು ಪದರಿನ ಮುಖಗವಸು, ರಕ್ಷಣಾತ್ಮಕ ಕನ್ನಡಕ, ಕೈಗವಸು ಮತ್ತು ಮುಖಕವಚ ಸೇರಿವೆ. ಕಾರ್‌ ಮತ್ತು ವೈಯಕ್ತಿಕ ಕಾಳಜಿಯ ಈ ಆರೋಗ್ಯ ಮತ್ತು ನೈರ್ಮಲ್ಯ ಉಪಕರಣಗಳ ಬೆಲೆ ₹ 10 ರಿಂದ ₹ 650ರವರೆಗೆ ಇದೆ ಎಂದು ಕಂಪನಿ ತಿಳಿಸಿದೆ.

ಕಾರ್‌ನ ಒಳಭಾಗ ಸ್ವಚ್ಛಗೊಳಿಸುವ ಮತ್ತು ಕ್ಯಾಬಿನ್‌ ಬೇರ್ಪಡಿಸುವ ಉತ್ಪನ್ನವನ್ನೂ ಪರಿಚಯಿಸಿದೆ. ಗ್ರಾಹಕರು ಮಾರುತಿ ಡೀಲರ್‌ಶಿಪ್‌ಗಳಿಗೆ ತೆರಳಿ ಈ ಉತ್ಪನ್ನಗಳನ್ನು ಖರೀದಿಸಬಹುದು. ಕಂಪನಿಯ ಅಂತರ್ಜಾಲ ತಾಣಕ್ಕೂ ಭೇಟಿ ನೀಡಬಹುದು.

ಗ್ರಾಹಕರ ಆತ್ಮವಿಶ್ವಾಸ ಹೆಚ್ಚಿಸಲು ಆರೋಗ್ಯ ಮತ್ತು ನೈರ್ಮಲ್ಯ ಶ್ರೇಣಿಯ ಉತ್ಪನ್ನಗಳ ಸಾಲಿಗೆ ಇನ್ನೂ ಕೆಲವನ್ನು ಸೇರ್ಪಡೆ ಮಾಡಲಿದೆ ಎಂದು ಕಂಪನಿ ತಿಳಿಸಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT