ನವದೆಹಲಿ/ಟೋಕಿಯೊ: ಮಾರುತಿ ಸುಜುಕಿ ಇಂಡಿಯಾ ಕಂಪನಿಯು ಭಾರತದಲ್ಲಿ ಒಟ್ಟು 2.5 ಕೋಟಿ ವಾಹನಗಳನ್ನು ಮಾರಾಟ ಮಾಡಿದ ಮೈಲಿಗಲ್ಲನ್ನು ಜನವರಿ 9ರಂದು ಕ್ರಮಿಸಿದೆ ಎಂದು ಸುಜುಕಿ ಮೋಟರ್ ಕಾರ್ಪೊರೇಷನ್ ತಿಳಿಸಿದೆ.
ಸುಜುಕಿ ಕಂಪನಿಯು ಮಾರುತಿ ಉದ್ಯೋಗ್ ಜೊತೆ ಪಾಲುದಾರಿಕೆಯೊಂದಿಗೆ 1983ರ ಡಿಸೆಂಬರ್ನಲ್ಲಿ ತನ್ನ ಮೊದಲ ಕಾರು (ಮಾರುತಿ 800) ಬಿಡುಗಡೆ ಮಾಡಿತ್ತು. ಈಗ ಮಾರುತಿ ಸುಜುಕಿ ಕಂಪನಿಯು 17 ಮಾದರಿಯ ಕಾರುಗಳನ್ನು ದೇಶದಲ್ಲಿ ತಯಾರಿಸಿ, ಮಾರಾಟ ಮಾಡುತ್ತಿದೆ.
ಕಂಪನಿಯು ಒಂದು ಕೋಟಿ ಕಾರುಗಳನ್ನು ಮಾರಾಟ ಮಾಡಿದ ಮೈಲಿಗಲ್ಲನ್ನು 2012ರ ಫೆಬ್ರುವರಿಯಲ್ಲಿ ದಾಟಿತ್ತು, 2 ಕೋಟಿ ಕಾರುಗಳನ್ನು ಮಾರಾಟ ಮಾಡಿದ ಮೈಲಿಗಲ್ಲನ್ನು 2019ರಲ್ಲಿ ಕ್ರಮಿಸಿತ್ತು.