ಮಾರುತಿ ಸುಜುಕಿ ಚಂದಾದಾರಿಕೆ ಯೋಜನೆಯನ್ನು 2020ರ ಜುಲೈನಲ್ಲಿ ಜಾರಿಗೆ ತಂದಿದೆ. ಇದರಲ್ಲಿ ಕಂಪನಿಯ ವ್ಯಾಗನ್‌ಆರ್‌, ಸ್ವಿಫ್ಟ್‌, ಡಿಸೈರ್‌, ವಿತಾರಾ ಬ್ರೆಜಾ, ಎರ್ಟಿಗಾ, ಇಗ್ನಿಸ್‌, ಬಲೆನೊ, ಸಿಯಾಜ್‌, ಎಸ್‌–ಕ್ರಾಸ್‌ ಮತ್ತು ಎಕ್ಸ್‌ಎಲ್‌6 ವಾಹನ ಆಯ್ಕೆ ಮಾಡಿಕೊಳ್ಳಬಹುದು. ವಿವಿಧ ಅವಧಿಗಳಿಗೆ ವಾಹನವನ್ನು ತಿಂಗಳ ಬಾಡಿಗೆ ಆಧಾರದಲ್ಲಿ ಚಲಾಯಿಸಬಹುದು. ವಾಹನ ಬಳಕೆ ಶುಲ್ಕ, ನೋಂದಣಿ ಶುಲ್ಕ, ನಿರ್ವಹಣೆ, ವಿಮೆ ಹಾಗೂ ವಾಹನ ಬಳಕೆಯ ಇತರೆ ಸಾಮಾನ್ಯ ಸೇವೆಗಳಿಗೆ ಸಂಬಂಧಿಸಿದ ಶುಲ್ಕಗಳು ಈ ತಿಂಗಳ ಬಾಡಿಗೆಯಲ್ಲಿ ಸೇರಿಕೊಂಡಿವೆ.
