ಮುತ್ತೂಟ್‌ ಫೈನಾನ್ಸ್‌ಗೆ ₹1,182 ಕೋಟಿ ಲಾಭ

2022–23ರ ಇದೇ ಅವಧಿಯಲ್ಲಿ ಕಂಪನಿ ₹1,009 ಕೋಟಿ ಲಾಭ ಗಳಿಸಿತ್ತು. ಈ ಲಾಭಕ್ಕೆ ಹೋಲಿಸಿದರೆ ಶೇ 17ರಷ್ಟು ಏರಿಕೆಯಾಗಿದೆ ಎಂದು ಕಂಪನಿ ಷೇರುಪೇಟೆಗೆ ತಿಳಿಸಿದೆ.

ವರಮಾನವು ₹3,298 ಕೋಟಿಯಿಂದ ₹4,179 ಕೋಟಿಗೆ ಏರಿಕೆಯಾಗಿದೆ. ವೆಚ್ಚವು ₹1,943 ಕೋಟಿಯಿಂದ ₹2,594 ಕೋಟಿಗೆ ಹೆಚ್ಚಳವಾಗಿದೆ. 

ಸಂಪತ್ತಿನ ನಿರ್ವಹಣಾ ಮೌಲ್ಯವು ಶೇ 25ರಷ್ಟು ಏರಿಕೆಯಾಗಿದ್ದು, ₹89,079 ಕೋಟಿಗೆ ಮುಟ್ಟಿದೆ. ಹಿಂದಿನ ಇದೇ ಅವಧಿಯಲ್ಲಿ ₹71,497 ಕೋಟಿಯಷ್ಟಿತ್ತು ಎಂದು ತಿಳಿಸಿದೆ.

₹10 ಮುಖಬೆಲೆಯ ಪ್ರತಿ ಷೇರಿಗೆ ₹24 ಡಿವಿಡೆಂಟ್‌ (ಲಾಭಾಂಶ) ನೀಡಲು ಮಂಡಳಿ ನಿರ್ಧರಿಸಿದೆ.