‘ನಾವು ಭಾರತದಿಂದ ಹೊರನಡೆಯಲಿದ್ದೇವೆ ಎಂಬ ಮಾತುಗಳು ಸತ್ಯವಲ್ಲ’ ಎಂದು ಕಂಪನಿಯ ಅಧ್ಯಕ್ಷ ಸಂಜಯ್ ಸಪ್ರೆ ಹೂಡಿಕೆದಾರರಿಗೆ ಬರೆದಿರುವ ಪತ್ರದಲ್ಲಿ ಹೇಳಿದ್ದಾರೆ. ಭಾರತದ ಮ್ಯೂಚುವಲ್ ಫಂಡ್ ಮಾರುಕಟ್ಟೆಗೆ ಆರಂಭದ ದಿನಗಳಲ್ಲೇ ಪ್ರವೇಶಿಸಿದ ಕಂಪನಿಗಳ ಪೈಕಿ ಫ್ರ್ಯಾಂಕ್ಲಿನ್ ಟೆಂಪಲ್ಟನ್ ಕೂಡ ಒಂದು. ಜಾಗತಿಕ ಮಟ್ಟದ ಕೆಲವು ಆಸ್ತಿ ನಿರ್ವಹಣಾ ಕಂಪನಿಗಳು ಹೊರ ನಡೆದಾಗಲೂ ಫ್ರ್ಯಾಂಕ್ಲಿನ್ ಟೆಂಪಲ್ಟನ್ ಕಂಪನಿಯು ಉದ್ಯಮದ ಭಾಗವಾಗಿ ಮುಂದುವರಿಯಲು ತೀರ್ಮಾನಿಸಿತು ಎಂದು ಅವರು ಪತ್ರದಲ್ಲಿ ನೆನಪಿಸಿದ್ದಾರೆ.