ನವದೆಹಲಿ: ಸಬ್ಸಿಡಿರಹಿತ ಅಡುಗೆ ಅನಿಲದ (ಎಲ್ಪಿಜಿ) ಬೆಲೆಯನ್ನು ಪ್ರತಿ ಸಿಲಿಂಡರ್ಗೆ ₹ 1ರಂತೆ ಹೆಚ್ಚಿಸಲಾಗಿದೆ.
ಸ್ಥಳೀಯ ಮಾರಾಟ ತೆರಿಗೆ ಇಲ್ಲವೆ ಮೌಲ್ಯವರ್ಧಿತ ತೆರಿಗೆಯ (ವ್ಯಾಟ್) ಕಾರಣಕ್ಕೆ ವಿವಿಧ ರಾಜ್ಯಗಳಲ್ಲಿನ ಬೆಲೆ ಹೆಚ್ಚಳವು ಪ್ರತಿ ಸಿಲಿಂಡರ್ಗೆ ಗರಿಷ್ಠ ₹ 4ರಷ್ಟು ಇರಲಿದೆ.
ಸತತ ಎರಡನೇ ದಿನವೂ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆ ಮಾಡಿಲ್ಲ.
ವಿಮಾನ ಇಂಧನ ಬೆಲೆ: ವಿಮಾನ ಇಂಧನ ಬೆಲೆಯನ್ನು (ಎಟಿಎಫ್) ತಿಂಗಳ ಅವಧಿಯಲ್ಲಿ ಮೂರನೇ ಬಾರಿಗೆ ಹೆಚ್ಚಿಸಲಾಗಿದೆ. ಪ್ರತಿ ಕಿಲೊ ಲೀಟರ್ಗೆ ₹ 2,922.94ರಂತೆ (ಶೇ 7.48) ಹೆಚ್ಚಿಸಲಾಗಿದೆ.