ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ನೀವು ತೆರಿಗೆ ಬಗ್ಗೆ ತಿಳಿಯಬೇಕೆ?

Last Updated 7 ಜನವರಿ 2020, 19:30 IST
ಅಕ್ಷರ ಗಾತ್ರ
ADVERTISEMENT
""
"ಯು.ಪಿ. ಪುರಾಣಿಕ್‌"

ಹೆಸರು ಬೇಡ, ಕಾರವಾರ

ನಾನು ನನ್ನ ಮನೆಯನ್ನು₹ 80 ಲಕ್ಷಕ್ಕೆ ಮಾರಾಟ ಮಾಡಲು ನಿರ್ಧರಿಸಿದ್ದೇನೆ. ಬರುವ ಈ ಹಣದಿಂದ₹ 40 ಲಕ್ಷಕ್ಕೆ ಇನ್ನೊಂದು ಮನೆಯನ್ನು ಖರೀದಿಸುವ ಉದ್ದೇಶ ನನ್ನದು. ₹ 15 ಲಕ್ಷ ಸಾಲ ತೀರಿಸಲಿದ್ದೇನೆ. ಉಳಿದ ಹಣವನ್ನು ಹೆಂಡತಿ ಮಕ್ಕಳ ಹೆಸರಿನಲ್ಲಿ ಠೇವಣಿ ಇರಿಸಬಹುದೇ, ನನಗೆ ಯಾವುದಾದರೂ ತೆರಿಗೆ ಅನ್ವಯವಾಗುವುದೇ ತಿಳಿಸಿರಿ.

ಉತ್ತರ: ನೀವು₹ 80 ಲಕ್ಷ ಮನೆ ಮಾರಾಟದಿಂದ ಬರುವ ಹಣ ಪಡೆದರೆ, ನೀವು ಬಯಸಿದಂತೆ₹ 40 ಲಕ್ಷದ ಇನ್ನೊಂದು ಮನೆ ಕೊಂಡರೆ ಈ₹ 40 ಲಕ್ಷ, ಮೊದಲ ಬಾರಿಗೆ ನೀವು ಮನೆ ಖರೀದಿಸುವಾಗ ಕೊಟ್ಟ ಹಣ, ನೋಂದಣಿ ಖರ್ಚು ಹಾಗೂ ಖರೀದಿಸಿದ ವರ್ಷದಿಂದ ಇಲ್ಲಿಯವರೆಗಿನ Cost Of Inflation Index ಲೆಕ್ಕ ಹಾಕಿ ಬರುವ ಮೊತ್ತವನ್ನು ₹ 80 ಲಕ್ಷದಲ್ಲಿ ಕಳೆದು ಉಳಿದ ಹಣಕ್ಕೆ ಮಾತ್ರ ಶೇ 20 ರಷ್ಟು ಕ್ಯಾಪಿಟಲ್‌ಗೇನ್‌ ಟ್ಯಾಕ್ಸ್ ತುಂಬಬೇಕಾಗುತ್ತದೆ. ಈ ತೆರಿಗೆಗೆ ಒಳಪಡುವ ಹಣವನ್ನು NHIA ಅಥವಾ REC ಬಾಂಡ್‌ಗಳಲ್ಲಿ ತೊಡಗಿಸಿ ಸಂಪೂರ್ಣ ತೆರಿಗೆ ವಿನಾಯಿತಿ ಪಡೆಯಬಹುದು. ಇಲ್ಲಿ ವಾರ್ಷಿಕ ಶೇ 5.75ರಷ್ಟು ಬಡ್ಡಿ ಪಾವತಿಸಲಾಗುತ್ತದೆ. ಈ ಠೇವಣಿಯನ್ನು 5 ವರ್ಷಗಳ ಕಾಲ ಹಿಂದೆ ಪಡೆಯುವಂತಿಲ್ಲ. ನಿಮ್ಮ ₹ 15 ಲಕ್ಷದಷ್ಟು ಸಾಲವನ್ನು ಮನೆ ಮಾರಿ ಬಂದಿರುವ ಲಾಭದಲ್ಲಿ ಕಳೆದು ತೆರಿಗೆ ಉಳಿಸುವಂತಿಲ್ಲ. ಇಲ್ಲಿ ವಿವರಿಸಿದಂತೆ ಕ್ಯಾಪಿಟಲ್‌ಗೇನ್ ಬಾಂಡ್‌ನಲ್ಲಿ ಇರಿಸಿ ತೆರಿಗೆ ಉಳಿಸಬಹುದು. ಹಾಗೆ ಮಾಡಲು ಸಾಧ್ಯವಾಗದಿದ್ದರೆ ಶೇ 20ರಷ್ಟು ತೆರಿಗೆ ಕೊಡಬೇಕಾಗುತ್ತದೆ.

**
ಎಸ್.ಡಿ. ಬೋರೇಗೌಡ, ಗಿರಿನಗರ, ಬೆಂಗಳೂರು

ನನ್ನ ವಯಸ್ಸು 88. ನಾನು ನಿವೃತ್ತ ಎಂಜಿನಿಯರ್. ತಿಂಗಳ ಪಿಂಚಣಿ₹ 44,769. ಠೇವಣಿ ಮೇಲಿನ ವಾರ್ಷಿಕ ಬಡ್ಡಿ₹ 24,082. ಬೇರಾವ ಆದಾಯವಿಲ್ಲ. ತೆರಿಗೆ I.T. Return ವಿಚಾರದಲ್ಲಿ ಸಲಹೆ ನೀಡಿರಿ.

ಉತ್ತರ: ನಿಮ್ಮ ವಾರ್ಷಿಕ ಪಿಂಚಣಿ, ಠೇವಣಿ ಮೇಲಿನ ಬಡ್ಡಿ ಹಾಗೂ ಪಡೆಯಬಹುದಾದ ವಿನಾಯಿತಿಗಳು, ನಂತರ ಕೊಡಬೇಕಾದ ತೆರಿಗೆ ವಿವರಣೆ ಈ ಕೆಳಗಿನಂತಿದೆ.

ಒಟ್ಟು ಆದಾಯ ₹7,83,310ರಲ್ಲಿ ಒಟ್ಟು ವಿನಾಯ್ತಿ ₹6,00,00 ಕಳೆದಾಗ ಆದಾಯ ತೆರಿಗೆಗೆ ಒಳಪಡುವ ಮೊತ್ತ ₹1,83,310

ತೆರಿಗೆ ಲೆಕ್ಕಾಚಾರ

ಶೇ 20 ರಂತೆ ₹ 183310 ಆದಾಯಕ್ಕೆ ₹36,662

ಶೇ 4 ಹೆಲ್ತ್ ಮತ್ತು ಎಜ್ಯುಕೇಷನ್ (₹ 36,662 ತೆರಿಗೆ ಮೇಲೆ) ₹1467

ಕೊಡಬೇಕಾದ ತೆರಿಗೆ ₹ 38,129

ನೀವು ಪ್ರತೀ ವರ್ಷ 31 ಜುಲೈ ಒಳಗೆ I.T. Return ಸಲ್ಲಿಸಬೇಕು.

ಯು.ಪಿ. ಪುರಾಣಿಕ್‌

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT