ನವದೆಹಲಿ (ಪಿಟಿಐ): ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ಗಳ ಒಟ್ಟು ಲಾಭವು 2022–23ನೆಯ ಹಣಕಾಸು ವರ್ಷದಲ್ಲಿ ₹1 ಲಕ್ಷ ಕೋಟಿಯನ್ನು ದಾಟಿದೆ. ಇದರಲ್ಲಿ ಸುಮಾರು ಅರ್ಧದಷ್ಟು ಪಾಲು ಎಸ್ಬಿಐನದ್ದೇ ಇದೆ. 2022–23ರಲ್ಲಿ ಎಸ್ಬಿಐ ಲಾಭ ₹ 50,232 ಕೋಟಿ ಆಗಿದೆ.
2017–18ರಲ್ಲಿ ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ಗಳ ಒಟ್ಟು ನಷ್ಟ ₹85,390 ಕೋಟಿ ಆಗಿತ್ತು. ಆ ಬಳಿಕ ಈಗ 2022–23ನೇ ಹಣಕಾಸು ವರ್ಷದಲ್ಲಿ ಈ ಬ್ಯಾಂಕ್ಗಳು ₹1.04 ಲಕ್ಷ ಕೋಟಿಯಷ್ಟು ಲಾಭ ಗಳಿಸಿವೆ. ಬ್ಯಾಂಕ್ಗಳು ಪ್ರಕಟಿಸಿರುವ ಹಣಕಾಸು ಫಲಿತಾಂಶದ ವಿಶ್ಲೇಷಣೆಯ ಆಧಾರದ ಮೇಲೆ ಈ ಮಾಹಿತಿ ನೀಡಲಾಗಿದೆ.
ಸರ್ಕಾರಿ ಸ್ವಾಮ್ಯದ 12 ಬ್ಯಾಂಕ್ಗಳ ಒಟ್ಟು ಲಾಭವು 2021–22ಕ್ಕೆ ಹೋಲಿಸಿದರೆ 2022–23ರಲ್ಲಿ ಶೇ 57ರಷ್ಟು ಏರಿಕೆ ಕಂಡಿದೆ. ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಒಂದನ್ನು ಹೊರತುಪಡಿಸಿ ಉಳಿದೆಲ್ಲ ಬ್ಯಾಂಕ್ಗಳ ತೆರಿಗೆ ನಂತರದ ಲಾಭವು ಹೆಚ್ಚಾಗಿದೆ.