ಕರೂರ್ ವೈಶ್ಯ ಬ್ಯಾಂಕ್: ನೇರ ತೆರಿಗೆ ಪಾವತಿಗೆ ಅನುಮತಿ

ಅನುಮತಿ ದೊರೆತ ನಂತರ ಬ್ಯಾಂಕ್‌, ಸಿಬಿಡಿಟಿ ಜೊತೆ ಕೆಲವು ಪ್ರಕ್ರಿಯೆಗಳನ್ನು ಆರಂಭಿಸಿದ್ದು, ಅವು ಪೂರ್ಣಗೊಂಡ ನಂತರದಲ್ಲಿ ಗ್ರಾಹಕರು ನೇರ ತೆರಿಗೆ ಮೊತ್ತವನ್ನು ಬ್ಯಾಂಕ್‌ನ ಯಾವುದೇ ಶಾಖೆಯ ಮೂಲಕ ಪಾವತಿ ಮಾಡಬಹುದು. ಇಂಟರ್ನೆಟ್‌ ಬ್ಯಾಂಕಿಂಗ್ ಅಥವಾ ಮೊಬೈಲ್ ಆ್ಯಪ್ ಮೂಲಕವೂ ನೇರ ತೆರಿಗೆ ಮೊತ್ತ ಪಾವತಿ ಮಾಡಬಹುದು ಎಂದು ಬ್ಯಾಂಕ್‌ನ ಪ್ರಕಟಣೆ ತಿಳಿಸಿದೆ.

‘ನೇರ ತೆರಿಗೆಗಳನ್ನು ಪಾವತಿಸಲು ಅವಕಾಶ ಕಲ್ಪಿಸಬೇಕು ಎಂಬ ಬೇಡಿಕೆಯು ನಮ್ಮ ಗ್ರಾಹಕರಿಂದ ಬಹಳ ಕಾಲದಿಂದಲೂ ಇತ್ತು’ ಎಂದು ಕರೂರ್ ವೈಶ್ಯ ಬ್ಯಾಂಕ್‌ನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಬಿ. ರಮೇಶ್ ಬಾಬು ಹೇಳಿದ್ದಾರೆ.