ನವದೆಹಲಿ: ರೆಪೊ ದರದಲ್ಲಿನ ಸತತ ಏರಿಕೆಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಗುರುವಾರ ವಿರಾಮ ನೀಡಿದೆ. ಹೀಗಾಗಿ, ಶೇಕಡ 6.5ರಲ್ಲೇ ರೆಪೊ ದರ ಸ್ಥಿರವಾಗಿದೆ.
ಮೇ 2022 ರಿಂದ ಈಚೆಗೆ ಆರ್ಬಿಐ ರೆಪೊ ದರದಲ್ಲಿ 250 ಮೂಲಾಂಶಗಳನ್ನು ಹೆಚ್ಚಳ ಮಾಡಿದೆ.
ದ್ವೈಮಾಸಿಕ ಹಣಕಾಸು ನೀತಿಯನ್ನು ಆರ್ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಗುರುವಾರ ಪ್ರಕಟಿಸಿದರು. ಹಣಕಾಸು ನೀತಿ ಸಮಿತಿಯು (ಎಂಪಿಸಿ) ಭವಿಷ್ಯದಲ್ಲಿ ಯಾವುದೇ ಕ್ರಮ ಕೈಗೊಳ್ಳಲು ಹಿಂಜರಿಯುವುದಿಲ್ಲ ಎಂದು ದಾಸ್ ತಿಳಿಸಿದರು.