ರಿಲಯನ್ಸ್ ಲಾಭ ಶೇ 46ರಷ್ಟು ಏರಿಕೆ

ಜೂನ್ ತ್ರೈಮಾಸಿಕದಲ್ಲಿ ಕಂಪನಿಯು ₹ 17,955 ಕೋಟಿ ಲಾಭ ಗಳಿಸಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ₹ 12,273 ಕೋಟಿ ಲಾಭ ಗಳಿಸಿತ್ತು.

ದೇಶದ ಅತಿದೊಡ್ಡ ಮೊಬೈಲ್ ದೂರಸಂಪರ್ಕ ಸೇವಾ ಕಂಪನಿಯಾಗಿರುವ ರಿಲಯನ್ಸ್ ಜಿಯೊ ಇನ್ಫೊಕಾಮ್‌ನ ಜೂನ್‌ ತ್ರೈಮಾಸಿಕದ ಲಾಭದಲ್ಲಿ ಶೇ 24ರಷ್ಟು ಏರಿಕೆ ಆಗಿದ್ದು, ₹ 4,530 ಕೋಟಿಗೆ ತಲುಪಿದೆ. ಕಂಪನಿಯು ಹೊಸದಾಗಿ 97 ಲಕ್ಷ ಗ್ರಾಹಕರನ್ನು ಪಡೆದುಕೊಂಡಿದೆ. ಪ್ರತಿ ಗ್ರಾಹಕನಿಂದ ಬರುವ ಆದಾಯವು ತಿಂಗಳಿಗೆ ₹ 175.7ಕ್ಕೆ ತಲುಪಿದೆ.

ರಿಲಯನ್ಸ್‌ನ ರಿಟೇಲ್‌ ವಹಿವಾಟು ಜೂನ್ ತ್ರೈಮಾಸಿಕದಲ್ಲಿ ₹ 2,061 ಕೋಟಿಗೆ ತಲುಪಿದೆ. ಕಂಪನಿಯು ಹೊಸದಾಗಿ 792 ಮಳಿಗೆಗಳನ್ನು ಆರಂಭಿಸಿದೆ.